ഡെറിക് എബ്രഹാം 3 [അഹമ്മദ് ശഫീഖ് ചെറുകുന്ന്] 223

ഡെറിക് എബ്രഹാം 3
( In the Name of COLLECTOR )

~~~~~~~~~~~~~~~~~~~~~~~~~~

✒️ അഹമ്മദ് ശഫീഖ് ചെറുകുന്ന്

PART 3

Previous Parts

സുഹൃത്തുക്കളെ,

ഞാൻ ആദ്യമായാണ് തുടർക്കഥ എഴുതുന്നതെന്ന് ആദ്യമേ പറഞ്ഞിരുന്നുവല്ലോ… വായിച്ചും ശീലമില്ല… മനസ്സിലുള്ള ആശയം വെച്ചു അങ്ങനെ എഴുതുന്നു എന്നേയുള്ളൂ…
സ്പീഡ് കൂടുന്നു എന്ന പരാതി വന്നിരുന്നു…. ഒന്നാമത് തുടർക്കഥ പാറ്റേൺ അറിയില്ല…പിന്നെ, പരത്തിപ്പറയുന്ന സീരിയൽ ടൈപ്പിനോട് എന്തോ താല്പര്യമില്ല..
ബുദ്ധിമുട്ട് വന്നതിൽ ക്ഷമിക്കണം…. ഇനി ശ്രദ്ധിക്കാം…
 

“അനുച്ചേച്ചീ ”

“ഹാ… വാ ചാന്ദ്നി…. എനിക്ക് കുറച്ചു ഫയൽസ് സെറ്റാക്കാനുണ്ട്.. അതിനാണ് വിളിച്ചത്…. ഇന്ന് ചെന്നൈയിലേക്ക് പോകാനുള്ളതല്ലേ ”

“ചേച്ചീ… അച്ഛൻ എന്നോട് നിങ്ങളുടെയും ആദിയുടെയും കഥ പറഞ്ഞു തരികയായിരുന്നു..”

“ആഹാ… അച്ഛനോ… അത്ര പെട്ടെന്ന് ഇതൊന്നും തുറന്നു പറയാത്ത ആളാണല്ലോ… നിന്നെ ഇത്ര പെട്ടെന്ന് ഇഷ്ടപ്പെട്ടോ ”

“അലക്സ് സാറിനോട് എന്തൊക്കെയോ സങ്കടങ്ങൾ പറയുമ്പോൾ പറഞ്ഞതാണ്…”

“ഹ്മ്മ്… അവന്റെ കാര്യം ഓർത്തിട്ട് എനിക്കും ടെൻഷനുണ്ട്.. ഞാൻ കാരണം അവന്റെ ഭാവി ”

“അതിലൊന്നും ടെൻഷനാവേണ്ട ചേച്ചീ…. ഇങ്ങനെയൊരു അനിയനെ കിട്ടിയ ചേച്ചി ശരിക്കും ഭാഗ്യവതിയല്ലേ ”

“അതൊക്കെ സത്യം തന്നെ…. എന്നാലുമെവിടെയോ വല്ലാത്തൊരു മനസ്സാക്ഷിക്കുത്ത്….അവനും വേണ്ടേ ഒരു ലൈഫും കുടുംബവുമൊക്കെ ”

“ആ കാര്യത്തിൽ ചേച്ചി ടെൻഷനാവേണ്ട… ആരെയും കിട്ടിയില്ലെങ്കിൽ എന്നെ കൊണ്ട് കെട്ടിച്ചോ ചേച്ചീ “