ഡെറിക് എബ്രഹാം 3 [അഹമ്മദ് ശഫീഖ് ചെറുകുന്ന്] 222

കൂടെ കൂട്ടേണ്ടായിരുന്നു.. പാവം ”

“അവൾ വന്നോട്ടെ ചേച്ചീ… ഭാവിയിൽ മുഴുവൻ കാണേണ്ടത് ഇങ്ങനെയൊക്കെ തന്നെയാണെങ്കിലോ… നമ്മളെയൊക്കെ കണ്ടു പഠിക്കട്ടെ ”

“എങ്ങനെ എങ്ങനെ…. എന്താ മോൻ ഉദ്ദേശിച്ചത്..?..ചേച്ചിക്ക് മനസ്സിലായില്ല… ”

“ഒന്നൂല്ല എന്റെ അനുപമ മാഡം…ഇനി അതിൽ കയറി തൂങ്ങേണ്ട ”

“ഞാനും കാണുന്നുണ്ട്… അവളെ കാണുമ്പോൾ ഇത് വരെയില്ലാതിരുന്ന ഒരു ഇളക്കം….”

“അയ്യേ… നിങ്ങക്ക് വട്ടുണ്ടോ ചേച്ചീ… അങ്ങനെയൊന്നൂല്ല..”

“പോടാ….ജനിച്ചത് മുതൽ അറിയുന്നതാണ് എനിക്ക്‌ നിന്നെ..ആ മനസ്സ് നിനക്കുന്നതും കൊതിക്കുന്നതും എന്തെന്നും ഏതെന്നും എനിക്ക് മനസ്സിലാകും…
അല്ലെങ്കിൽ നീ തന്നെ പറ…
നീ എത്രയെത്ര പെൺപിള്ളേരെ ദിവസവും കാണുന്നതാ… അവരോടുന്നുമില്ലാത്ത ഒരിത്തിരി പഞ്ചാര കൂടുതൽ ഇവളോട്… അതെന്താന്ന്….? ”

” ചേച്ചീ… ഒന്ന് അനങ്ങാതിരുന്നേ…. അവൾ നമ്മുടെ കുടുംബത്തിലൊന്നും വരേണ്ട… അത് പാവമാണ്…. അതിന് കിട്ടേണ്ടത് എന്നെ പോലെയുള്ള താന്തോന്നിയെയല്ല…. സമാധാനത്തോടെ ഏതെങ്കിലും ഡോക്ടറോ എഞ്ചിനീയറോ കൊണ്ട് പോയിക്കോട്ടെ അവളെ ”

“ആ പറഞ്ഞത് ന്യായം…എന്റെ അനിയൻ കുട്ടന് ബുദ്ധിയൊക്കെ വെച്ച് തുടങ്ങിയല്ലോ…”

അവൻ പുച്ഛഭാവത്തിൽ ചേച്ചിയെ നോക്കി ഇളിച്ചു…..
അപ്പോഴാണ് അവിടെയുണ്ടായ ഒരു പോലീസുകാരൻ അനുപമയുടെ അടുത്ത് വന്നത്…

“മാഡം…. ഒറു ചിന്ന പ്രച്നേ ഇരുക്ക്…കൊഞ്ചം എൻ കൂടെ വരാ മുടിയുമാ ”

( തുടരും )