ഡെറിക് എബ്രഹാം 3 [അഹമ്മദ് ശഫീഖ് ചെറുകുന്ന്] 222

“അതൊക്കെ വലിയൊരു കഥയാണ് മോളേ… നീ വന്നതല്ലേയുള്ളൂ… എല്ലാം കൂടി തലയിൽ കയറ്റേണ്ട..അവസാനം ഒരു എത്തും പിടിയും കിട്ടാതെയാവും ”

അവൾ ചിരിച്ചു… പിന്നീട് ഫയൽ വർക്കുകളിലേക്ക് നീങ്ങി…വർക്കുകൾ കൂടുതലായത് കൊണ്ട് വൈകുന്നേരം വരെ ചാന്ദ്നിയും വീട്ടിൽ തന്നെയായിരുന്നു..

വൈകുന്നേരം പോകാൻ റെഡിയായി അമ്മയോട് യാത്രയും പറഞ്ഞു അനുപമയും ചാന്ദ്നിയും പുറത്തേക്കിറങ്ങി…അപ്പോഴേക്കും CI അലക്സ് പോയിട്ടുണ്ടായിരുന്നു..

“അച്ഛാ…. നാരായണേട്ടനെവിടെ… കാർ ഇവിടെ കാണുന്നുണ്ടല്ലോ….”

“നാരായണൻ എവിടെ പോകാനാ.. എന്നത്തേയും പോലെ തന്നെ, നിന്റെ അനിയൻ ചാവിയും കൈയിലാക്കി അവനെ തിരിച്ചയച്ചു ”

ഒരു അളിഞ്ഞ ചിരി മുഖത്ത് കൊടുത്തും കൊണ്ട് ആദി പുറത്തേക്കിറങ്ങി വന്നു..

അനു ഫോണെടുത്തു…

” ചേച്ചീ… വിളിക്കേണ്ട… നാരായണേട്ടന്റെ മൊബൈൽ എന്റെ കൈയിലാ… ”

“അനൂ… നിനക്കറിയില്ലേ… അവൻ നിന്നെ ഒറ്റക്ക് പോകാൻ സമ്മതിക്കില്ലാന്ന്… പിന്നെന്തിനാ വാശി പിടിക്കുന്നേ… വരുന്നിടത്ത് വെച്ച് കാണാം…മുന്നത്തെ പോലെ എന്തെങ്കിലുമിവൻ ചെയ്‌താൽ അവിടെ ഇട്ടേച്ചു വന്നേക്ക് ”

“ഓക്കേ അച്ഛാ….
എന്നാൽ ഞാൻ പോയേച്ചു വരാം.. ”

” ഹാ… ആയിക്കോട്ടെ….
ടാ.. ആദി… നിന്റെ കൂടെയുള്ളത് ഒരു പെണ്ണാണ്..രണ്ട് പെൺകുട്ടികളുടെ അമ്മയാണ്..നിന്റെ പെങ്ങളുമാണ്…