ഡെറിക് എബ്രഹാം 3 [അഹമ്മദ് ശഫീഖ് ചെറുകുന്ന്] 222

“ചേച്ചീ…..ബാക്കിയൊക്കെ മനസ്സിലായി…. പക്ഷേ, അവിടെ ലീലാ കോളനിയിൽ ബുള്ളറ്റുമായി വന്നപ്പോൾ ഇവനെന്തിനാ അങ്ങനെയൊരു മുഷിഞ്ഞ കോലത്തിൽ വന്നത് ? ”

“ഓഹ്.. അതോ…. ഇവനെ കാണുമ്പോൾ ഒരു റൗഡിയാണെന്നൊക്കെ തോന്നിക്കേണ്ടേ… ലുക്കിൽ പോലും എന്റെ അനിയനാണെന്നാർക്കും മനസ്സിലാകരുതല്ലോ…”

“അമ്പട..ഭീകരാ..
വല്ലാത്ത ബുദ്ധിരാക്ഷസൻ തന്നെ..”

കണ്ണാടിയിലൂടെ ആദി അവളെ പുച്ഛ ഭാവത്തിൽ നോക്കി..

“ചേച്ചീ…
ചേട്ടന്റെ പേരെന്താ….ഗൾഫിൽ എന്താ ജോലി ? ”

“രഞ്ജിത്ത്… ചേട്ടൻ അവിടെ ഒരു ബാങ്കിലെ മാനേജറാണ് ”

” ചേട്ടൻ ചേച്ചിയെ ഗൾഫിലേക്ക് കൂട്ടിയില്ലേ…. സാധാരണ ഭർത്താക്കന്മാർക്ക് ഭാര്യ സാമൂഹ്യസേവനത്തിന് ഇറങ്ങുമ്പോൾ ഇഷ്ടക്കേടാണല്ലോ ”

“അങ്ങനെ ചേട്ടന് ഇഷ്ടക്കേടൊന്നുമില്ല… എന്റെ ഇഷ്ടത്തിന് കൂട്ടുണ്ടാകുമെന്നും… ഇടയ്ക്ക് അമ്മ പരാതിപ്പെട്ടിയുമായി പോകുമ്പോൾ എന്നോട് ചൂടാകുന്നത് പോലെ എന്തൊക്കെയോ ഉപദേശിക്കും… കാര്യമില്ലാന്ന് മനസ്സിലായാൽ മതിയാക്കിപ്പോകും ”

“ഹാ.. നിനക്കറിയോ ഉണ്ടക്കണ്ണീ…അത് ലാസ്റ്റ് ഡിവോഴ്സ് വരെയെത്തി…”

ചാന്ദ്നി ഞെട്ടി…

“സത്യമാണോ ചേച്ചീ ”

“ഞാനല്ലേ നിന്നോട് പറഞ്ഞത്… അപ്പോൾ എന്നോട് ചോദിക്ക്….”

“ഹാ… എന്നാൽ പറ “