?Life of pain-the game of demons 8 [Demon king] 241

രാജീവ് : ഡീ…. നീ ഒന്ന് സമാധാനപ്പെട്….നീ കണ്ടില്ലേ… അവൾ ബാഗുമായി ഒക്കെയാണ് വന്നത്… ഇനിയൊന്നും നഷ്ടപ്പെടാൻ ഇല്ലാന്നൊക്കെ പറയുന്നുണ്ടായിരുന്നു…

ആതി : ദേ രാജിവെട്ടാ….. ഞങ്ങളെ കളിപ്പിക്കല്ലേ…. സത്യം പറ….

ആതി ഇടറിയ ശബ്ദത്തിൽ പറഞ്ഞു.

രാജീവ് : ഞാനെന്തിനാ മോളെ നിങ്ങളെ കളിപ്പിക്കുന്നത്… ഈ കെട്ടിപിടിത്തം മുൻകൂട്ടി കണ്ടതുകൊണ്ടാണ് ഞാൻ അമ്മയോട് ഉള്ളിലോട്ട് പോകാൻ പറഞ്ഞത്…

ആതി : എന്തായാലും ശരി…. ഇന്റെ ചേച്ചിയെ ചതിച്ച ഏട്ടനേയും ആ പെണ്ണിനേയും ഞാൻ കൊല്ലും…

ആതി ദേഷ്യത്തിൽ പറഞ്ഞു.

രാജീവ് : നീ സമാധാനപ്പെട്…. നമുക്ക് നോക്കാം… അവൾ വേറെ കല്യാണത്തിന് സമ്മതിക്കോ എന്നറിയില്ല… അവൾക്ക് നല്ല വാശിയാ…..

അഞ്ചു : ഞാൻ സമ്മതിക്കില്ല…. ഇന്റെ ഏട്ടനെ ആർക്കും വിട്ടുകൊടുക്കില്ല…..

രാജീവ് : നീ സമാധാനപ്പെട്… നമുക്ക് നോക്കാം….

അതും പറഞ്ഞ് രാജീവ് ഉള്ളിലേക്ക് പോയി. അഞ്ചു ആകെ തകർന്ന് നിൽക്കുകയായിരുന്നു.

ആതി : ചേച്ചി……

നിറകണ്ണുമായി അവൾ ആതിയെ നോക്കി…

അഞ്ചു : ഏട്ടൻ……..

ആതി : ഒന്നുല്ല ചേച്ചി… ഏട്ടൻ നമ്മളെ അങ്ങനെ വിട്ടു പോവാൻ പറ്റോ…. വാ…

അവർ കണ്ണുകൾ തുടച്ച് ഉള്ളിലേക്ക് പോയി.

അവിടെ ചെന്നപ്പോൾ കാണുന്നത് മനുവുമായി കളിച്ചു ചിരിച് സംസാരിക്കുന്ന സമീറയെ ആണ്.ആ കാഴ്ച്ച അഞ്ചുവിന് അങ്ങേയറ്റം സങ്കടം ഉണ്ടാക്കി.

‘അമ്മ : അല്ല മോളെ…. മോള് ദൂരേന്ന് വരുകയാണോ… ബാഗ് ഒക്കെ ഉണ്ടല്ലോ…..

സമീറ : ആഹ് അമ്മേ… ഞാൻ ഡൽഹിയിൽ ആയിരുന്നു…. ഇനി കുറച്ചുനാൾ ഇവിടെ ആണ്….

അവളുടെ ആ വാക്കുകൾ ഒരു പെരുമ്പറ മുഴക്കത്തോടെ അഞ്ജുവിന്റെയും ആതിയുടേയും ഉള്ളിൽ മുഴങ്ങി.

‘അമ്മ: ഡൽഹിയിലോ…. മനു അവിടെയാണല്ലോ ജോലി ചെയ്തിരുന്നത്…

സമീറ : ആഹ്…. ഈ കാര്യം ഒക്കെ ഈ മരയോന്ത് കല്യണം ഉറപ്പിച്ച ശേഷമാണ് വിളിച്ചു പറഞ്ഞത്… അതുവരെ ഒരു കോണ്ടക്റ്റും ഇല്ലായിരുന്നു….