?Life of pain-the game of demons 8 [Demon king] 236

ഒട്ടും വൈകാതെ തന്നെ മുളക് അതിന്റെ പണി തുടങ്ങി.എരിവ് സഹിക്കാൻ വയ്യാതെ  അവൻ കിടന്ന് പിടഞ്ഞു. ആ പിടച്ചിലിൽ രൂപ അവന്റെ ദേഹത്തുനിന്ന് താഴേക്ക് വീണു. പിന്നെ കണ്ടത് ഒരു ഓട്ടം ആയിരുന്നു. മൂടും വായും പുകഞ്ഞുള്ള ഓട്ടം. അത് കണ്ട് അവിടുള്ളവരെ പൊട്ടിച്ചിരിച്ചു.സമീറ ചിരിയടക്കാൻ വയ്യാതെ വയറിൽ മുറുകെ പിടിച്ചു.

സമീറ : അയ്യോ….. എന്റെ മനു…. ഇതുങ്ങൾ മിണ്ടാൻ തുടങ്ങിയപ്പോ വയറിന്ന് കയ്യെടുക്കാൻ പറ്റുന്നില്ല…. ചിരിച്ചു ചിരിച് ഞാൻ ചവുമെന്നാ തോന്നുന്നെ…..

മനു : ഹമ്മ്….. ഇതൊന്നും അല്ല മോളെ…. ഇതിന്റെയൊക്കെ ഹൈ ലെവൽ ഞാൻ കണ്ടതാ….

സമീറ : അയ്യോ…. എനിക്ക് വയ്യേ…. ഹോ….

അഞ്ജുവും ആതിയും സമീറയുടെ അടുത്തേക്ക് പോയി.

അഞ്ചു : ചേച്ചി…..

സമീറ : ഹാ…. പറ…. ഇനി എന്താ വേണ്ടേ….

അഞ്ചു ; സോറി ട്ടോ…. ഞാൻ അറിയാതെ…..

സമീറ : അതൊന്നും സരല്ല…..

ആതി: ചേച്ചി…..

സമീറ : ആഹ്…. ദേ അടുത്തത്….

ആതി : ഞാനും സോറി ട്ടോ….

ആതി ഇടം കണ്ണിട്ട് അവളെ നോക്കി ഒരു കള്ള ചിരിയോടെ പറഞ്ഞു.

സമീറ : ആഹ്…. വരവ് വച്ചിരിക്കുന്നു…. പിന്നെ ഡാ മനു…. ആതിയെ ഞാൻ കൊണ്ടോയിക്കോട്ടെ…..

മനു : എന്തിനാ ലോക്കപ്പിൽ ഇടാൻ ആണോ….

സമീറ : ഒന്ന് പോടാ…. ഈ സാധനത്തിനെ എനിക്ക് വല്ലാതെ ഇഷ്ട്ടയി….

അത് കേട്ട് ആതിയുടെ മുഖം ചുവന്നു.

ആതി : ചേച്ചി…..

സമീറ : ആഹ്…മോളെ….

ആതി ; ഞാനൊന്ന് കെടിപിടിച്ചോട്ടെ….

സമീറ : അത് ചോതിക്കാനുണ്ടോ…. വന്ന് കെട്ടിപിടിച്ചോ….

സമീറ ഇരു കയ്യും രണ്ടു വശത്തേക്ക് ആക്കി അവളെ ആലിംഗനം ചെയ്യാൻ ക്ഷണിച്ചു. ആതി ഓടിപ്പോയി അവളെ പുണർന്നു.

ആതി: അതേ….ചേച്ചി…. സോറി ട്ടോ…. ഞാൻ അറിയാതെ പറഞ്ഞതാ….

ആതി അവളെ കെട്ടിപിടിച്ചുകൊണ്ട് പറഞ്ഞു ….

സമീറ : സാരല്ലടാ…. ഇതൊക്കെ ഉണ്ടായൊണ്ടെന്താ… ഇനി എത്ര കാലം കഴിഞ്ഞാലും ഇതൊക്കെ ഓർത്ത് ചിരിക്കാല്ലോ….

അവൾ ആതിയുടെ കവിളിൽ സ്നേഹത്തോടെ പിച്ചിയിട്ട് പറഞ്ഞു.

ആതി: അപ്പൊ ചേച്ചി ഇനിയെന്നെ മറക്കില്ലല്ലേ….

സമീറ : മറക്കെ…. നിന്നെ ഒക്കെ മറക്കാൻ ഞാൻ വല്ല കോമായിലും പോകേണ്ടി വരും…

അവളുടെ വാക്കുകൾ കേട്ട് ആതി കുണുങ്ങി ചിരിച്ചു.

സമീറ : നിന്റെ ഏട്ടൻ മരയോന്തിന്റെ കയ്യിൽ എന്റെ നമ്പർ ഉണ്ട്… അത് വാങ്ങി ഇടക്ക് എന്നെ വിളിക്കണം ട്ടോ…..

ആതി ; ഹമ്മ്…..

സമീറ : നീ മനുവിനെ കാണുന്ന പോലെ എന്നേം കണ്ടോ…. സ്വന്തം ചേച്ചിയായി കരുതിക്കോട്ടോ….

ആതി : അതങ്ങനെ തന്നല്ലേ….

സമീറ : ഹമ്മ്… ഡീ അഞ്ചു… നിന്നോട് കൂടിയാ പറഞ്ഞേ…..