? Fallen Star ? 6 [Illusion Witch] 1018

” ഇവിടെ നിന്ന് ഇറങ്ങി കഴിഞ് ഇത്‌ മീരക്ക് കൊടുക്കണം, ഞാൻ ഇപ്പൊ ഇത്‌ കൊടുത്താൽ ഒരുപക്ഷെ അവൾ പോവാൻ കൂട്ടാകില്ല ” അവൻ എന്തോ ഒന്ന് താരയുടെ കയ്യിലേക്ക് വെച്ച് കൊണ്ട് പറഞ്ഞു. താര നോക്കിയപ്പോ ഒരു മോതിരം ആണ്. അവൻ മീരയെ പ്രെപ്പോസ് ചെയ്യുകയാണ്. താര ഒന്ന് ചിരിച്ചു.

 

 

” ഗായ്സ് ” പെട്ടന്ന് റാം ഒച്ച വെച്ചു എല്ലാരും അങ്ങോട്ട് നോക്കി. നാലു Kobold warrior സ് അവരുടെ നേരെ പാഞ്ഞു വരുന്നു.

 

 

” നീ തന്നെ ഇത്‌ അവൾക്ക് കൊടുത്താ മതി ” താര ആ മോതിരം തിരികെ വരുണിന്റെ കയ്യിൽ വെച്ചു. പിന്നെ അവൾ മീരയുടെ നേരെ തിരിഞ്ഞു.

 

 

” മീര നിന്റെ വാൾ ഒന്ന് താ ” താര മീരയോട് പറഞ്ഞു. അത് കേട്ട് അമ്പരന്ന് നിന്ന മീരയുടെ കയ്യിൽ നിന്ന് ആ വാൾ വാങ്ങി താര ആ kobold കളുടെ നേരെ നടന്നു. അല്പം കഴിഞ്ഞാണ് അവർ അമ്പരപ്പിൽ നിന്ന് മാറിയത്. അവർ താരയെ തടയാൻ ശ്രമിച്ചു എങ്കിലും വൈകി പോയിരുന്നു. Kobold warrior നാലു പേരും താരയുടെ നേരെ ഉയർന്നു ചാടി വാൾ വീശിയിരുന്നു.

 

 

” താരാ ” മീര അലറി

 

 

‘ ഷാഡോ ‘ താര മനസ്സിൽ വിളിച്ചു. അന്നേരം നിമിഷത്തിന്റെ നൂറിൽ ഒന്ന് സമയം കൊണ്ട് താരയുടെ നിഴലിന്റെ ഒരു ഭാഗം അടർന്നു kobold കളുടെ നിഴളിൽ കൂടി കയറി ഇറങ്ങി താരയുടെ നിഴലിൽ തിരിച്ചു വന്നിരുന്നു. അവയുടെ വാളുകൾ താരയുടെ ശരീരത്തിന്റെ തൊട്ട് പറ്റെ എത്തി ചോര ചീറ്റി.

 

 

മീര ആ കാഴ്ച കാണാൻ പറ്റാതെ കണ്ണുകൾ ഇറുക്കി അടച്ചു. ബാക്കി ഉള്ളവർ മുഖം തിരിച്ചു. അല്പം കഴിഞ്ഞപ്പോൾ ആണ് അവർ ഒരു കാര്യം ശ്രദ്ധിച്ചത്, തെറിച്ച ചോരയുടെ നിറം ചുവപ്പ്  ആയിരുന്നില്ല പച്ച ആയിരുന്നു. അവർ വേഗം താരയെ നോക്കി. മീരയും കണ്ണ് തുറന്നിരുന്നു. അവർ കണ്ട കാഴ്ച…

 

 

നിലത്ത് തല അറ്റ് കിടക്കുന്ന നാലു Kobold warrior ന്റെ ശവങ്ങൾ. അതിനിൽ ഒന്നിന്റെ മുകളിൽ കയറി നിന്ന് തന്റെ വാൾ,  ഒരു വെല്ലുവിളി എന്നോളം സിംഹാസനത്തിൽ ഇരിക്കുന്ന kobold ചീഫ് ന്റെ നേരെ ചൂണ്ടി പിടിച്ചിരിക്കുന്ന താര…

 

 

?