💫 Fallen Star 💫 6 [Illusion Witch] 1018

 

‘ അപ്പൊ ഇരുപതു ദിവസം കൂടുമ്പോൾ ഓരോ ഗേറ്റ് ഓപ്പൺ ആകുവാണേൽ ആറുമാസം കൊണ്ട് മൊത്തത്തിൽ 9 തവണയെ ഗേറ്റ് ഓപ്പൺ ആക്കാൻ പറ്റു. ഈ 9 തവണ വെച്ച് എനിക്ക് S റാങ്ക് ലേക്ക് പ്രേമോട്ട് ആവാൻ പറ്റുമോ??, അക്കാഡമിയിൽ നിന്ന് ഗേറ്റ്റൈഡ് ന് പോവുമ്പോൾ എനിക്ക് എന്റെ സ്ട്രങ്ത് പുറത്തു കാണിക്കാൻ പറ്റില്ല. അല്ലായിരുന്നേൽ അത് വഴി എനിക്ക്ഒന്ന് രണ്ടു സ്റ്റാർ എങ്കിലും ലെവൽ അപ്പ്‌ ആവാമായിരുന്നു. അത് അല്ലേൽ ബ്ലാക്ക്മാർക്കറ്റ് വഴി ഗേറ്റ് ബുക്ക്‌ചെയ്യണം.

 

 

വെയിറ്റ്.. എന്റെ സമനിങ്സ് കൊല്ലുന്നത് എന്നെ ലെവൽ അപ്പ്‌ ആക്കുമോ?? എങ്കിൽ അരും അറിയാതെ അവയെ ഗേറ്റ് ന്റെ ഉള്ളിലേക്ക് അയച്ചാ മതിയല്ലോ?? എന്തയാലും ഒരു മാസം എനിക്ക് ലീവ് ഉണ്ടായിരുന്നു ഇനി എന്തായാലും നാളെ മുതൽ അക്കാഡമിയിൽ പോയി തുടങ്ങാം വീട്ടിൽ ഇരുന്നിട്ടും വലിയ കാര്യം ഇല്ലല്ലോ. What a ഡ്രാഗ് ‘ താര ഓരോന്ന് ആലോചിച്ചു കൊണ്ട് എപ്പോഴോ ഉറങ്ങിപോയി.

 

 

രാവിലെ കണ്ണൻ ഉണർന്നു വന്നപ്പോ താര അടുക്കളയിൽ ഉണ്ടായിരുന്നു.

 

 

” ഗുഡ് മോർണിംഗ് കണ്ണാ ”

 

 

” മോർണിംഗ് ചേച്ചി. ഞാൻ സഹായിക്കാം ” കണ്ണൻ താരയുടെ അടുത്തേക്ക് വന്ന് കൊണ്ട് പറഞ്ഞു.

 

 

” അത് വേണ്ട ഇത് ഇപ്പൊ കഴിയും. നീ വേഗം റെഡിയാവാൻ നോക്ക് ”

 

 

” റെഡിയാവാനോ?? അതിന് സ്കൂളിൽ പോവാൻ ഇനിയും സമയം ഉണ്ടല്ലോ?? ” കണ്ണൻ സമയം നോക്കി കൊണ്ട് ചോദിച്ചു.

 

 

” നമുക്ക് രാവിലെ ഒന്ന് അമ്മയെ കേറി കണ്ടിട്ട് പോവാം ”

 

 

” ഓക്കേ ” കണ്ണൻ തല ആട്ടിയിട്ട് റെഡിയാവാൻ പോയി. അവർ ബ്രേക്ക്ഫാസ്റ്റ് കഴിച്ചിട്ട് അടുത്തുള്ള ഹോസ്പിറ്റലിൽലേക്ക് ചെന്നു. അവിടെ ആണ് അവരുടെ അമ്മ ഉള്ളത്. സ്റ്റാർ എനർജി കാരണം കോമയിൽ ആയിട്ടുള്ള തറയുടെ അമ്മയെ പോലെയുള്ള ആളുകളെ അഡ്മിറ്റ് ചെയ്യുന്ന ഹോസ്പിറ്റൽ ആണ് അത്. അവർ കുറെ നേരം അമ്മയുടെ അരികിൽ ഇരുന്നു. കണ്ണന് ക്ലാസ്സ്‌ നേരത്തെ തുടങ്ങുന്നത് കൊണ്ട് അവൻ ആണ് ആദ്യം പോയത്. താര കുറച്ചു നേരം കൂടി അമ്മയുടെ അരികിൽ ഇരുന്നു.