? Fallen Star ? 6 [Illusion Witch] 1019

” ഞാൻ എന്റെ ഷീൽഡ് വെച്ച് ഇവയെ ബ്ലോക്ക് ചെയ്യാം നിങ്ങൾ രെക്ഷപെട്ടോ ” അബു പറഞ്ഞു.

 

 

” നിന്റെ ഷീൽഡ് ന് അവയെ തടയാൻ പറ്റില്ല ” വരുണും അലീനയും റാമും ഒരുമിച്ച് പറഞ്ഞു. പിന്നെ അവർ നാലു പേരും എന്തോ തീരുമാനിച്ചിട്ട് എന്നോണം തല ആട്ടി. പിന്നെ വരുൺ താരയുടേം മീരയുടേം നേരെ നോക്കി.

 

 

” ഞങ്ങൾ നാല് പേരും ചേർന്ന് ഇവയെ തടയാൻ നോക്കാം ആ ഗ്യാപ്പിൽ നിങ്ങൾ രണ്ട് പേരും വേഗം രെക്ഷപെട് ” വരുൺ പറഞ്ഞു. അത് കേട്ട് താര ശരിക്കും ഞെട്ടി. വരുൺ അങ്ങനെ പറയും എന്ന് ഒരിക്കലും അവൾ വിചാരിച്ചത് അല്ല.

 

 

” ഇല്ല ” മീര അലറി. ” നിങ്ങളെ ഇവിടെ ഇട്ടിട്ട് ഞാൻ രെക്ഷപെട്ടു പോവില്ല ”

 

 

” മീര മനസ്സിലാക്ക്, താര നിന്നെ വിശ്വസിച്ചാണ് വന്നത് അവളെ നീ രക്ഷപെടുത്തണം ” വരുൺ അത് പറഞ്ഞപ്പോൾ മീര ആകെ ധർമ സങ്കടത്തിൽ ആയി.

 

 

” അതേ മീര, ഒരു guild എന്നത് ഞങ്ങളുടെ സ്വപ്നം ആയിരുന്നു അതിനു വേണ്ടി നിങ്ങളുടെ രണ്ട് പേരുടേം ജീവൻ പോയാൽ മരിച്ചാൽ പോലും ഞങ്ങൾക്ക് സമാധാനം കിട്ടില്ല, പ്ലീസ് ഞങ്ങളുടെ അവസാന ആഗ്രഹം ആണ് ” അലീന പറഞ്ഞപ്പോൾ ബാക്കി മൂന് പേരും തല ആട്ടി, മീരയുടെ കണ്ണുകൾ നിറഞ്ഞൊഴുകി. താരക്ക് ഇവരോട് നല്ലൊരു ഇമ്പ്രഷൻ തോന്നി. അവർ അരും അന്ന് നീതുവും ജീവനും ചെയ്ത് പോലെ കൂട്ടുകാരെ ചതിച്ചു രക്ഷപെട്ടു പോവാൻ ശ്രമിച്ചില്ലല്ലോ

 

 

” അലീന എനിക്ക് ഒരു കാര്യം പറയാൻ ഉണ്ട് ” പെട്ടന്ന് റാം പറഞ്ഞത് കേട്ട് എല്ലാരും അവനെ നോക്കി.

 

 

” I Love You ” അവൻ പെട്ടന്ന് പറഞ്ഞപ്പോൾ എല്ലാരും ഒന്ന് ഞെട്ടി. പെട്ടന്ന് അലീന ദേഷ്യത്തിൽ അവന്റെ തലക്കിട്ട് ഇടിച്ചു

 

 

” ഇത്രേം നാൾ ഉണ്ടായിട്ട് മരിക്കാൻ പോവുമ്പോൾ ആണോ നിനക്ക് ഇത്‌ പറയാൻ തോന്നിയെ?? ” ചെറിയ കരച്ചിലോടെ അലീന അത് പറഞ്ഞപ്പോ ആ അവസരത്തിലും എല്ലാരുടേം ചുണ്ടിൽ ഒരു പുഞ്ചിരി വിടർന്നു.

 

 

” താര ” പെട്ടന്ന് വരുൺ തറയുടെ അടുത്ത് വന്ന് പതിയെ വിളിച്ചു. അവൾ എന്താ എന്ന് ചോദിക്കും പോലെ അവനെ നോക്കി.