? അരികത്തായാരോ – 9 ? വിച്ചു [ ചെകുത്താനെ സ്നേഹിച്ച മാലാഖ ] 1042

” മനസ്സുകൊണ്ടാണെങ്കിൽ പോലും ഞാൻ ശ്രീദേവിക്ക് വാക്ക് കൊടുത്തതാ നിന്നെ സംരക്ഷിച്ച് കൊള്ളാമെന്ന് … ഞാൻ ആദ്യമേ നിന്റെ കയ്യിൽ നിന്ന് ഒരു ഉറപ്പ് വാങ്ങിയിരുന്നു ഞാൻ പറയുന്നത് പോലെ നീ അനുസരിക്കണമെന്ന് …. ”

മഹേന്ദ്രനാഥ് അത് പറഞ്ഞതും അജു എന്താ എന്ന അർത്ഥത്തിൽ അയാളെ നോക്കി .

” നീ പറ …. നിനക്ക് വടക്കേടത്ത് മനയിൽ പോകണമെന്ന് തോന്നുന്നുണ്ടോ ? നിന്റെ അമ്മയ്ക്ക് അവകാശപ്പെട്ട സ്വത്ത് നേടി എടുക്കണമെന്നോ മറ്റോ …. അതോ അന്ന് നിന്റെ അച്ഛനെയും അമ്മയെയും കൊല്ലാൻ ആളെ ഏർപ്പാടാക്കിയതിന് പ്രതികാരം ചെയ്യാൻ തോന്നുന്നുണ്ടോ …… ? ”

മഹേന്ദ്രനാഥ് അവനോട് ചോദിച്ചു …

” ഹ് …… എന്റെ അമ്മയുടെ ഇഷ്ടങ്ങൾ അംഗീകരിക്കാത്ത , സ്വന്തരക്തം എന്ന് പോലും നോക്കാതെ എന്റെ അമ്മയെ കൊല്ലാൻ പോലും ആളെ ഒരുക്കിയ അവരുടെ ഒരുതരി സ്വത്ത് പോയിട്ട് അവരെ എന്റെ കണ്ണു കൊണ്ട് കാണാൻ കൂടി ഞാൻ തുനിയില്ല .

പിന്നെ എന്റെ അമ്മയുടെ മരണത്തിൽ അവർക്ക് പങ്കുണ്ടെന്ന് ഞാനെന്നെങ്കിലും അറിഞ്ഞാൽ തീർക്കും ഞാനവരെ , അതിനി എന്നെ ആര് തടഞ്ഞാലും .. ”

ദേഷ്യം നുരപൊന്തുന്ന സ്വരത്തോടെ അജു മറുപടി പറഞ്ഞു ….