? അരികത്തായാരോ – 9 ? വിച്ചു [ ചെകുത്താനെ സ്നേഹിച്ച മാലാഖ ] 1042

ബുള്ളറ്റ് കാറിനെ തൊട്ടു തൊട്ടില്ല എന്ന മട്ടിൽ തെന്നിമാറി , റോഡിന് വശത്തായി ഓട നിർമ്മിക്കാൻ കൊണ്ട് കൂട്ടിയിട്ടിരുന്ന എംസാന്റിൽ ബൈക്ക് ഇടിച്ച് മറിഞ്ഞ് വീണു . അജു പെട്ടെന്ന് ലൈറ്റ് ബ്രൈറ്റ് ആക്കിയത് കാരണം ആ ഞെട്ടലിൽ കാഴ്ച മങ്ങി പജീറോ ഓടിച്ചിരുന്നയാളും വണ്ടി ഒരു വശത്തേയ്ക്ക് വെട്ടിച്ചിരുന്നു , അത് തൊട്ടടുത്തായി കൂട്ടിയിട്ടിരുന്ന മെറ്റൽ കൂനയിൽ ഇടിച്ച് കയറി …….

മറിഞ്ഞ് വീണത് എംസാന്റിന്റെ പുറത്തായതിനാൽ അജുവിനോ യദുവിനോ ഒരു പോറല് പോലും പറ്റിയിരുന്നില്ല ….

” എടാ …….
അവൻ നമ്മളെ മനപൂർവ്വം ഇടിക്കാൻ നോക്കിയതാ …… വെറുതെ വിടരുത് ആ നാറിയെ . ”

മരണത്തെ മുന്നിൽ കണ്ട ഭയത്തോടെയും ദേഷ്യത്തോടെയും യദു ഉറക്കെ വിളിച്ച് പറഞ്ഞു .

അപ്പോഴേയ്ക്കും മെറ്റൽ കൂനയിൽ ഇടിച്ച് കയറിയ കാറ് അയാൾ പുറകിലേയ്ക്ക് എടുക്കാൻ ശ്രമിച്ചു , പക്ഷെ അവിടെ കിടന്ന ഒരു വലിപ്പമുള്ള കരിങ്കൽ കഷ്ണം അപ്പോഴേയ്ക്കും ഒരു കുരുക്ക് പോലെ കാറിന്റെ പിന്നിലത്തെ ടയറിലിടിച്ച് ഒരു തടസ്സമായി നിന്നു . അയാൾക്ക് കാറ് മുന്നോട്ടോ പിന്നോട്ടോ എടുക്കാൻ പറ്റാത്ത അവസ്ഥയിലായി .

ഈ സമയം തന്നെ അജുവും യദുവും ബുള്ളറ്റ് മറിഞ്ഞ് വീണയിടത്തു നിന്ന് എഴുന്നേറ്റ് വേഗം കാറിനടുത്തേയ്ക്ക് വന്നു …

” പുറത്തേക്കിറങ്ങടാ ….. ”

ദേഷ്യത്തോടെ അജു ഉറക്കെ വിളിച്ചു പറഞ്ഞു .