? അരികത്തായാരോ – 9 ? വിച്ചു [ ചെകുത്താനെ സ്നേഹിച്ച മാലാഖ ] 1042

എന്നും ഉച്ചയ്ക്ക് ഞാൻ പട്ടിണിയാണെന്ന് അവനറിയാമായിരുന്നു , അവനെന്നെ ശ്രദ്ധിക്കുന്നുണ്ടായിരുന്നു എന്ന് ഞാനന്ന് മനസ്സിലാക്കി . അവൻ എന്നെ നിർബന്ധിച്ച് വിളിച്ചോണ്ട് പോയി അഹാരം വാങ്ങി തന്നു , പിന്നെ അത് പതിവായി … വിശപ്പടക്കാൻ എനിക്ക് ആഹാരം വാങ്ങി തരുന്ന അവൻ അങ്ങനെ എന്റെ സുഹൃത്തായി ….. ഞങ്ങൾ സുഹൃത്തുക്കളായി .

നല്ല രീതിയിൽ ചിത്രം വരയ്ക്കാൻ കഴിവുണ്ടായിരുന്നു അവന് . ഒറ്റ പ്രവാശ്യം കണ്ട മുഖം പോലും അവൻ ക്യാൻവാസിലാക്കും . പക്ഷെ അവനെ കുറിച്ച് പലതും എനിക്ക് അവ്യക്തമായിരുന്നു , എന്നോടൊന്നും തുറന്ന് പറഞ്ഞിരുന്നില്ല എന്നതാണ് സത്യം . പതിയെ പതിയെ ഞാനെല്ലാം മനസ്സിലാക്കി .

ആ നാട്ടിലാകെ അറിയപ്പെട്ടിരുന്ന ഒരു പാർട്ടി പ്രവർത്തകന്റെ മകൻ , നാടിന്റെയും നാട്ടുകാരുടെയും എന്താവശ്യത്തിനും മുന്നിൽ നിൽക്കുന്ന അദ്ദേഹത്തിന്റെ മകനായി ജനിച്ചത് കൊണ്ടാകാം അവനും അതെ സ്വഭാവം തന്നെ കിട്ടി . അച്ഛനെ പോലെ തന്നെ അവനെയും ആ നാടിനും നാട്ടുകാർക്കും പരിചിതമായിരുന്നു .

ഫസ്റ്റ് ഇയറ് മുതലേ കോളേജിലെ എല്ലാവർക്കും അവനെ അറിയാം , കോളേജിലെ യൂണിയന്റെ നെടും തൂണ് , അദ്ധ്യാപകർ പോലും ബഹുമാനത്തോടെ കാണുന്ന വ്യക്തിത്വമായിരുന്നു അവന് .

വൈകിയാണ് ഞാൻ പലതും മനസ്സിലാക്കിയത് . ചില വർഷങ്ങൾക്ക് മുൻപ് അവന്റെ അച്ഛനെ ആശയപരമായ കാരണങ്ങളാൽ എതിർ പാർട്ടിക്കാർ കൊന്നുകളഞ്ഞു എന്ന് .