? അരികത്തായാരോ – 9 ? വിച്ചു [ ചെകുത്താനെ സ്നേഹിച്ച മാലാഖ ] 1042

ഒടുവിൽ വിഷമത്തോടെ കരയാറായി നിന്ന അവൾ വിഷമം സഹിക്കവയ്യാതെ ഞങ്ങളുടെ മുന്നിൽ വച്ച് പൊട്ടി കരഞ്ഞു , വെറുമൊരു തൊട്ടാവാടി സ്വഭാവമാണ് അവളുടേതെന്ന് അന്ന് ഞങ്ങൾക്ക് തോന്നി . അവിടെ നിന്ന എല്ലാവരും അവൾ ഞങ്ങളുടെ മുന്നിൽ നിന്ന് കരയുന്നത് കാണുന്നുണ്ടായിരുന്നു . അവൾ നിന്ന് കരയുന്നത് കണ്ട് അവസാനം ദേവൻ തന്നെ വേറെ വഴിയില്ലാതെ അവളോട് ക്ലാസ്സിലേയ്ക്ക് പോകാൻ പറഞ്ഞു , അവളെ ക്ലാസ്സിലേയ്ക്ക് പറഞ്ഞ് വിട്ടിട്ട് ഞങ്ങളും ഞങ്ങളുടെ ക്ലാസ്സിലേയ്ക്ക് പോയി .

ബഞ്ചിലിരുന്ന് ഓരോരോ കളിതമാശ പറഞ്ഞിരിക്കുമ്പോഴാ ക്ലാസ്സിലെ ഒരുത്തൻ ഓടി വന്ന് ഞങ്ങളോട് ആ കാര്യം പറഞ്ഞത് , റാഗിങിന്റെ പേരിൽ കുറച്ച് സമയം മുൻപ് ഞങ്ങൾ കരയിപ്പിച്ചത് വടക്കേടത്ത് മനയിലെ കുട്ടിയെയാണെന്ന് . വടക്കേടത്ത് മനയെ കുറിച്ച് അറിവില്ലാത്ത ഞാനും കൂടെ ഉള്ള മറ്റൊരുത്തനും ആ മനയെ കുറിച്ച് അവൻ പറഞ്ഞത് കേട്ടപ്പൊ ഇടിമിന്നലേറ്റത് പോലെ ഇരുന്ന് പോയി …. അവളുടെ മുന്നിൽ ദൈര്യത്തോടെ നിന്ന ദേവനാണെങ്കിൽ അ വിവരം അറിഞ്ഞതോടെ കാറ്റ് പോയ ബലൂൺ പോലെയായി .

ഞങ്ങളുടെ ഉള്ള സന്തോഷം കൂടി നഷ്ടമായ സമയമായിരുന്നു അത് . അവൾ പോയി നടന്ന കാര്യങ്ങൾ വീട്ടുകാരോട് പറഞ്ഞാൽ അതോടെ തീർന്നു ഞങ്ങളുടെ കാര്യം ….. പല പ്രാവശ്യം അവളോട് പോയി ക്ഷമ ചോദിക്കാൻ ശ്രമിച്ചു പക്ഷെ അതൊക്കെ പരാജയപ്പെട്ടു , ഉള്ളിലെ ഭയം തന്നെയായിരുന്നു അതിന് കാരണം …. അന്നത്തെ ദിവസം ഞങ്ങളോരോരുത്തരും തള്ളിനീക്കിയത് എങ്ങനെ എന്ന് കൂടി അറിയില്ല ….