? അരികത്തായാരോ – 9 ? വിച്ചു [ ചെകുത്താനെ സ്നേഹിച്ച മാലാഖ ] 1042

” നിന്റെ ഭീഷണിക്ക് മുന്നിൽ പണ്ട് ഞാൻ പതറി നിന്നിട്ടുണ്ട് പല തവണ , പക്ഷെ കാലം മാറി അനിരുദ്ധാ …. നീ എല്ലാം മനസ്സിലാക്കി എന്ന് ഞാനറിഞ്ഞു അതുകൊണ്ടല്ലേ ശ്രീദേവിയുടെ മകനെ കൊല്ലാൻ വേണ്ടി നീ ഇവനെ അയച്ചത്.. ”

മഹേന്ദ്രനാഥ് ദേഷ്യത്തോടെ ഉറക്കെ പറഞ്ഞു . അനിരുദ്ധനാകട്ടെ അതൊക്കെ കണ്ട് ഒന്നും പറയാനാകാതെ നിൽക്കുകയാണ് …..

” അവനൊന്നും അറിയില്ലായിരുന്നു ഒരു കാലത്തും ഞാനതൊന്നും അവനോട് പറയുകയുമില്ലായിരുന്നു പക്ഷെ ഇന്ന് അവൻ വന്ന് പലതും എന്നോട് ചോദിച്ചപ്പോൾ എനിക്ക് പലതും പറയേണ്ടി വന്നു , അവന്റെ അച്ഛൻ അമ്മ അവരൊക്കെ ആരെന്ന് …. ”

മഹേന്ദ്രനാഥ് അത് പറഞ്ഞതും അനിരുദ്ധന്റെ മുഖത്ത് ഭയം നിറഞ്ഞു ….

” അവനൊന്നിനും വരില്ല . ഒരവകാശം ചോദിച്ച് ഒരിടത്തേയ്ക്കും പോകില്ല . ഇനി അതിന്റെ പേരിൽ അവന്റെ ദേഹത്ത് ഒരു തരി മണ്ണ് നുള്ളി ഇടാൻ നീ ശ്രമിച്ചാൽ ഈ മഹേന്ദ്രനാഥ് ആരെന്ന് നീ അറിയും , അതിൽ പഴയ ചില കണക്കുകളും കൂടി ഉണ്ടാവും ….. ഞാനെല്ലാം അവനോട് പറഞ്ഞു പക്ഷെ ആക്സിഡന്റ് എന്ന മറയിൽ ആദ്യം അവന്റെ അച്ഛനെയും പിന്നീട് അവിടെ നിന്ന് രക്ഷപ്പെട്ട് വന്ന അവന്റെ അമ്മയെയും കൊന്നത് നീ ആണെന്ന് ഞാനവനോട് പറഞ്ഞിട്ടില്ല . അതെങ്ങാനും അവനറിഞ്ഞാൽ ഇപ്പൊ നിന്റെ മകൻ കിടക്കുന്നത് കണ്ടില്ലേ ആ ദയ അവനിൽ നിന്ന് നിനക്ക് ലഭിക്കില്ല , നിന്നെ ജീവനോടെ പച്ചയ്ക്ക് അവൻ കത്തിക്കും ….