? അരികത്തായാരോ – 9 ? വിച്ചു [ ചെകുത്താനെ സ്നേഹിച്ച മാലാഖ ] 1042

പിന്നീടുള്ള നാളുകളിൽ അവരായിരുന്നു കോളേജിലെ ആരും അസൂയയോടെ നോക്കിയിരുന്ന പ്രണയജോഡി . കോളേജ് ഇല്ലാത്ത ദിവസം അവൻ എന്നെയും കൂട്ടി അവളുടെ നാട്ടിലെ ക്ഷേത്രത്തിൽ പോവും അവിടെ വരുന്ന ശ്രീദേവിയെ കാണാൻ ……

ഒടുവിൽ ഫൈനൽ ഇയർ അവസാന പരീക്ഷയും കഴിഞ്ഞ് കോളേജിന്റെ പടി ഇറങ്ങുമ്പോൾ ഞങ്ങളെല്ലാവരും സങ്കടത്തോടെയാ വീടുകളിലേയ്ക്ക് മടങ്ങിയത് . ഏറ്റുവും സങ്കടം ദേവനായിരുന്നു , എന്നും അവളെ നേരിൽ കാണാൻ സഹായിച്ചിരുന്ന ഒന്ന് കൂടിയായിരുന്നു അവന് കോളേജ് ലൈഫ് അതാ അവസാനിച്ചത് …

അതിന് ശേഷം ഒരു വർഷത്തിനിടയ്ക്ക് ഞാൻ ദേവനെ ഒന്ന് രണ്ട് വട്ടം നേരിൽ കണ്ടു കോളേജിൽ വച്ച് , അന്ന് അവന്റെ ഒപ്പം അവളും ഉണ്ടായിരുന്നു … അവളെ കാണാൻ മിക്ക ദിവസവും അവൻ കോളേജിൽ എത്തുമെന്ന് ഞാനന്ന് അറിഞ്ഞു , അത്രയ്ക്ക് ഉറച്ചതായിരുന്നു അവർ തമ്മിലുള്ള ഇഷ്ടം .

പിന്നേയും ദിവസങ്ങൾ കടന്ന് പോയി . ഒരു ദിവസം ദേവൻ എന്റെ വീട്ടിൽ എത്തി , അന്ന് ആദ്യമായി അവന്റെ മുഖത്ത് ഞാൻ ഭയം കണ്ടു …. കോളേജ് പഠനം കഴിഞ്ഞ ഉടനെ ശ്രീദേവിയുടെ വിവാഹം മനയിലുള്ളവർ ഉറപ്പിച്ചെന്ന് അതും അവളോട് ഒരു വാക്ക് പോലും ചോദിക്കാതെ , ഇനി അതിനധികം ദിവസമില്ലെന്ന് …. അവളെ നഷ്ടമാകുമോ എന്ന ഭയം അവന്റെ മുഖത്ത് വ്യക്തമായിരുന്നു …..
ഒപ്പം അവളുടെ വയറ്റിൽ അവന്റെ കുഞ്ഞ് വളരുന്നുണ്ടെന്ന് കൂടി അവൻ പറഞ്ഞപ്പൊ ഞാൻ ഞെട്ടിപ്പോയി …. എല്ലാം കൊണ്ടും തളർന്ന അവസ്ഥയിലായിരുന്നു അവൻ …..