💘 അരികത്തായാരോ – 11 💘 വിച്ചു [ ചെകുത്താനെ സ്നേഹിച്ച മാലാഖ ] 1386

” ആ ചോദ്യത്തിന് സ്ഥിരമായ ഉത്തരമില്ല ….. ആത്മഹത്യ എന്ന ചിന്ത തലയിൽ കയറിയപ്പോഴാ ഞാനന്ന് രാത്രി വീട്ടിൽ നിന്നിറങ്ങിത് …. ഒരു പാട് ദൂരം നടന്നു …. ഒടുവിൽ സ്വയം നശിപ്പിക്കുക എന്ന ചിന്ത മാറി നിങ്ങളുടെയൊക്കെ അടുത്ത് നിന്ന് എത്രത്തോളം ദൂരേയ്ക്ക് പോകാൻ കഴിയുമോ അത്രയും ദൂരം പോകാൻ തീരുമാനിച്ചു , ആദ്യത്തെ കുറച്ച് വർഷം തമിഴ്നാട്ടിൽ .

ആദ്യമൊക്കെ തെണ്ടി തിരിഞ്ഞ് നടന്നു പിന്നെ വിശപ്പകറ്റാൻ ചെറിയ ചെറിയ ജോലികൾ . ക്ലീനർ , ഡ്രൈവർ , ഹോട്ടൽ വെയിറ്റർ അങ്ങനെ പല പല ജോലികൾ , കടന്ന് പോയ വർഷങ്ങൾ . പിന്നീട് ഒരു യാത്ര തുടങ്ങി ജീവിതത്തിൽ ഒരു അത്ഥവുമില്ലാത്ത ഒരു ലക്ഷ്യവുമില്ലാത്തവന്റെ യാത്ര …. വ്യത്യസ്ത സ്ഥലങ്ങൾ മനുഷ്യർ , പല പല സംസ്കാരങ്ങൾ അവരുടെ ജീവിതം , അഹാരം അങ്ങനെ ഒരുപാട് അറിവ് നേടിത്തന്ന യാത്ര . ആ യാത്ര പകുതിയിൽ നിർത്തിയാ ഇപ്പൊ ഇവിടേയ്ക്ക് …….

പെട്ടെന്ന് മനസ്സിൽ ഒരു തോന്നൽ …. നാടും സ്ഥലവുമൊക്കെ ഒന്നുകൂടി കാണാൻ ഒരു കൊതി . അടുത്ത യാത്ര അത് തുടങ്ങുന്നതിന് മുൻപ് പഴയ ജീവിതം ഓർത്ത് മറക്കാൻ ഒരു ദിവസം . ഇന്ന് തന്നെ എനിക്ക് തിരികെ മടങ്ങണം , ഈ നാട്ടിൽ വന്നതിന് ശേഷം എന്നോ എന്റെ ഹൃദയത്തിൽ നിന്ന് മാഞ്ഞ് പോയ വീർപ്പ്മുട്ടൽ അത് വീണ്ടും എന്നെ അലട്ടി തുടങ്ങിയിരിക്കുന്നു . ഞാനിപ്പൊ ഒറ്റയ്ക്കാ …. അരും കൂടെ ഇല്ലാതെ ഒന്നിനെപ്പറ്റിയും ചിന്തയില്ലാതെയുള്ള ജീവിതം . അല്ല പണ്ടും അങ്ങനെ തന്നെയല്ലേ , ഞാനെന്നും ഒറ്റയ്ക്കല്ലേ ….. അനാഥൻ . ”

അജു ഒരു പുഞ്ചിരിയോടെ പറഞ്ഞ ശേഷം മുഖം താഴ്ത്തി ഇരുന്നു …..