💘 അരികത്തായാരോ – 11 💘 വിച്ചു [ ചെകുത്താനെ സ്നേഹിച്ച മാലാഖ ] 1386

ഇതെല്ലാം പ്ലാൻ ചെയ്തവന്റെ കാഞ്ഞബുദ്ധി , വർഷങ്ങളായി പൂട്ടി കിടക്കുന്ന അയൽക്കാരാരും തിരിഞ്ഞ് നോക്കാത്ത ഒരു വീട് കണ്ടെത്തി ആ വീടിന്റെ ഡ്യൂപ്ലിക്കേറ്റ് കീ നിർമ്മിച്ച് എല്ലാം നടപ്പിലാക്കാൻ ഉപയോഗിക്കുന്നു …..

തന്റെ നിരപരാധിത്വം തെളിയിക്കാനുള്ള ഓരോരോ വഴികളായി അടഞ്ഞ് തുടങ്ങിയിരിക്കുന്നു എന്നവൻ മനസ്സിലാക്കി …. തന്നോട് ഇതിനും മാത്രം ശത്രുത ആർക്കെന്ന് അവൻ ചിന്തിച്ചു …. ഒടുവിൽ ആ ചിന്ത നിവേദിലും
എത്തി . അവൻ വേഗം ബുള്ളറ്റ് അനിരുദ്ധന്റെ വീട്ടിലേയ്ക്ക് പായിച്ചു .

ഒടുവിൽ അനിരുദ്ധന്റെ വീടിന്റെ ഗേറ്റിന് പുറത്തായി അവൻ വണ്ടി വച്ച ശേഷം മുന്നോട്ട് നടന്നു ….

” ആരാ ? ”

അവനെ കണ്ടതും സെക്യൂരിറ്റി ഉടനെ ചോദിച്ചു …

” അനിരുദ്ധൻ സാറിനെ ഒന്ന് കാണാൻ വന്നതാ ”

അവൻ മറുപടി പറഞ്ഞു …

” സാറ് ഫാമിലിയുമായി ടൂറിലാ …. ഒരാഴ്ചയായി പോയിട്ട് , മടങ്ങി എത്താൻ ഇനിയും ഒരാഴ്ച കഴിയും , ഫോണിൽ കോൺടാക്ട് ചെയ്താലും കിട്ടാൻ പാടായിരിക്കും . നിങ്ങൾ എന്തായാലും ഒരാഴ്ച കഴിഞ്ഞ് വാ . ”

നേരത്തെ പറഞ്ഞ് പഠിച്ച് വച്ചിരുന്ന നുണ നന്നായി പറഞ്ഞ ശേഷം സെക്യൂരിട്ടി തിരികെ തന്റെ റൂമിലേയ്ക്ക് നടന്നു ….

തന്റെ മുന്നിലെ എല്ലാ വഴികളും അടഞ്ഞത് പോലെ അവന് തോന്നി . താനിപ്പോൾ എല്ലാവരുടെയും മുന്നിൽ ചതിയനാണ് , സ്വന്തം ഭാഗം പറയാൻ പോലും കഴിയുന്നില്ല പറഞ്ഞിട്ട് അവർ വിശ്വസിക്കുന്നുമില്ല …..

അഹാനയെ തനിക്ക് എന്നന്നേക്കുമായി നഷ്ടപ്പെട്ടു എന്നവന് ബോധ്യമായി തുടങ്ങിയിരുന്നു .