💘 അരികത്തായാരോ – 11 💘 വിച്ചു [ ചെകുത്താനെ സ്നേഹിച്ച മാലാഖ ] 1386

ജീവിതത്തിൽ മുൻപും ഇതേ അവസ്ഥയിലൂടെ കടന്നുപോയതാണവൾ . ചരിത്രം ആവർത്തിച്ചു എന്നവൾ വിശ്വസിക്കും . അവളുടെ മനസ്സിൽ ഒരു പുഴുത്ത പട്ടിക്ക് ഉള്ള അത്രയും പോലും സ്ഥാനം ഇപ്പോൾ തനിക്കില്ല , തന്നെ മനസ്സിലാക്കാൻ ഇനിയവൾ ശ്രമിക്കില്ല …. അവൾ തന്നെ പൂർണ്ണമായും വെറുത്തിരിക്കുന്നു അതും ചീട്ട് കൊട്ടാരം പോലെയുള്ള ഒരു വലിയ നുണ കഥയ്ക്ക് മുന്നിൽ . അവളുടെ ഭാഗത്തും തെറ്റില്ല , കാരണം മുന്നിൽ കണ്ട തെളിവുകൾക്ക് അത്രയേറെ ശക്തിയുണ്ട് ….

ജീവിതത്തിന് തന്നെ അർത്ഥമില്ലാതായിപ്പോയത് പോലെ അവന് തോന്നി , ഇനി ജീവിക്കുന്നതിൽ കാര്യമില്ല എന്നും …. നേരം ഇരുട്ടി തുടങ്ങിയിരുന്നു , അവൻ ബുള്ളറ്റ് സ്റ്റാർട്ട് ചെയ്ത് മുന്നോട്ടെടുത്തു …. എവിടെ നിന്നോ പെട്ടെന്ന് വന്ന മഴ അവന് കൂട്ടായി , അവന്റെ കണ്ണിൽ നിന്ന് നിറഞ്ഞ് തുളുമ്പിയ കണ്ണുനീർ തുള്ളികൾ മഴ വെള്ളത്തിൽ എവിടേയ്ക്കോ മാഞ്ഞ് പോയി …. ആ മഴ നനഞ്ഞു കൊണ്ട് തന്നെ അവൻ വണ്ടി മുന്നോട്ട് ഓടിച്ചു . ഒടുവിൽ വണ്ടി ഒതുക്കി വച്ച ശേഷം അ നനഞ്ഞ വസ്ത്രത്തോടെ മുകളിലേയ്ക്കുള്ള സ്റ്റെപ്പ് കയറി …. അവൻ കയറി വരുന്നത് കണ്ടതും യദു ദേഷ്യം കൊണ്ട് മുഖം തിരിച്ചു … അജു ഒന്നും മിണ്ടാതെ ഒരു ചെയറിൽ ഇരുന്നു …

” ഇനി നിന്റെ ഒപ്പം ഒരുമിച്ച് താമസിക്കാൻ എനിക്കൽപ്പം അസൗകര്യമുണ്ട് …. പിന്നെ ഒരു സന്തോഷ വാർത്ത കൂടിയുണ്ട് …. അഹാന ഉടനെ തന്നെ ഈ നാട്ടീന്ന് പോവും , അവളുടെ അങ്കിളിന്റെയും ആന്റിയുടെയും അടുത്തേയ്ക്ക് അമേരിക്കേലോട്ടോ മറ്റോ ….. പെട്ടെന്ന് അവൾ തന്നെ എടുത്ത തീരുമാനമാ …. നിനക്കിപ്പൊ സന്തോഷമായിക്കാണുമല്ലോ …. ”