💘 അരികത്തായാരോ – 11 💘 വിച്ചു [ ചെകുത്താനെ സ്നേഹിച്ച മാലാഖ ] 1386

” ചതിയാ ….. ഇത് ചതിയാ ….. എന്നെ ആരോ ചതിച്ചതാ ….. ”

പൊട്ടിക്കരഞ്ഞു കൊണ്ട് അജു പറഞ്ഞു ….

” ചതി ….. ചതിച്ചതാണെങ്കിൽ നീ പറ , നുണ പറഞ്ഞ് നീ ഇന്നലെ എവിടെയാ പോയത് …. രാത്രി മുഴുവൻ നീ എവിടെയായിരുന്നു …. ”

യദുവിന്റെ ആ ചോദ്യങ്ങൾക്ക് മുന്നിൽ അജു ഒന്ന് പതറി ….. അവന് പറയാൻ ഉത്തരം ഉണ്ടായിരുന്നില്ല കാരണം ഒന്നും ഓർമ്മ ഇല്ലെങ്കിൽ കൂടി ഇന്നലെ രാത്രി താൻ ആ വീട്ടിലായിരുന്നു , അവളും ആ വീട്ടിൽ ഉണ്ടായിരുന്നു ….

” ഇവൾ ഏറെ വെറുത്തിരുന്ന പ്രണവാ ഇപ്പൊ എല്ലാ സത്യവും ഇവളെ അറിയിച്ചത് …. അവനത്
അറിയിച്ചില്ലായിരുന്നുവെങ്കിൽ ഇവളെ ജീവനോടെ കാണാൻ കിട്ടുമായിരുന്നോ …. ”

ദേഷ്യത്തോടെ യദു വീണ്ടും പറഞ്ഞു ….

” ആ …. ആ പ്രണവാ എന്നെ ചതിച്ചത് …. അവനാ ഇന്നലെ എന്നെ വിളിച്ചത് ….. എന്തോ സംസാരിക്കാനുണ്ടെന്നും പറഞ്ഞ് നാട്ടിൽ വരാൻ പറഞ്ഞതും അവനാ … ”

അജു പറഞ്ഞ് തീരുന്നതിന് മുൻപ് അഹാന ഓടി വന്ന് അവന്റെ കരണത്ത് ആഞ്ഞടിച്ചു ….

” വീണ്ടും നുണ പറയുന്നോടാ നാറീ … ഇനി എല്ലാം അവന്റെ തലയിൽ കൊണ്ട് വയ്ക്ക് …. നിന്നെ ഞാൻ വിശ്വസിച്ചു പോയി . പക്ഷെ ….. പക്ഷെ നീ ചതിയനാ …… ഇറങ്ങിപ്പോടാ എന്റെ വീട്ടീന്ന് ….. ഇനി നീ എന്റെ കൺവെട്ടത്ത് വന്ന് പോകരുത് …. ഇപ്പോൾ നിന്നെ കുറിച്ച് കേൾക്കുന്നത് പോലും എനിക്ക് വെറുപ്പാ , നിന്നെ കാണുന്നത് എനിക്ക്
അറപ്പാ …. ”