💘 അരികത്തായാരോ – 11 💘 വിച്ചു [ ചെകുത്താനെ സ്നേഹിച്ച മാലാഖ ] 1386

” അതിനെന്താ മോനെ …. നിങ്ങൾ സുഹ്യത്തുക്കളല്ലേ , ഞാനൊന്നും പറഞ്ഞില്ലല്ലോ … മോൻ ബാക്കി കൂടി കൊടുക്ക് അവൾ കഴിക്കട്ടെ …. ”

മഹേന്ദ്രനാഥ് ഒരു പുഞ്ചിരിയോടെ പറഞ്ഞു …..

അന്ന് രാത്രി അജു ഹോസ്പിറ്റലിൽ നിന്ന് വീട്ടിലേയ്ക്ക് മടങ്ങിയ ശേഷം ….

ബെഡ്ഡിൽ ചാരികിടന്ന് മയങ്ങുകയായിരുന്ന അവളുടെ അടുത്ത് വന്നിരുന്ന ശേഷം മഹേന്ദ്രനാഥ് പതിയെ തന്റെ കൈ കൊണ്ട് അവളുടെ തലയിൽ തലോടി …. അവൾ മയക്കത്തിൽ നിന്നുണർന്ന് കണ്ണുകൾ തുറന്ന് അയാളെ നോക്കി …..

” എന്താ അച്ഛാ …. ? ”

” ഒന്നൂല്ല മോളെ … വെറുതെ …
അച്ഛനൊരു കാര്യം ചോദിക്കണമെന്ന് കരുതീട്ട് കുറച്ചധികം ദിവസമായി . ”

” എന്താ അച്ഛാ …. എന്തിനാ ഈ മുഖവുരയൊക്കെ ? ”

അവൾ അയാളോട് ചോദിച്ചു .

” അത് …. അജുവും മോളും തമ്മിൽ വെറും ഫ്രണ്ട്ഷിപ്പ് മാത്രമേ ഉള്ളോ … ? അതൊ ? ”

അയാൾ പറഞ്ഞ് നിർത്തിയതും ….

” അത് അച്ഛാ ….. എനിക്ക് അവനെ ഇഷ്ടമാ …. അവന് എന്നെയും ….. അച്ഛനെന്തെങ്കിലും ഇഷ്ടക്കേട് ? ”

ടെൻഷനും ഭയവും നിറഞ്ഞ സ്വരത്തോടെ അവൾ ചോദിച്ചു ….

” എന്റെ മനസ്സിലും അങ്ങനെ ഒരു സംശയം തോന്നിയിരുന്നു , അതിന് വ്യക്തത വരാൻ ഞാൻ ചോദിച്ചു എന്നെ ഉള്ളൂ .