” ഹ്മ്മ്… അന്ന് എല്ലാരും നല്ലോണം പേടിച്ചു… “
അവൻ പറഞ്ഞു.
” ഇപ്പൊ എന്തിനാ ഏട്ടാ അത് പറയുന്നേ… “
അവൾ സംശയം ചോദിച്ചു.
” ഏയ്… ഒന്നുല്ല…. ഇവിടെയിങ്ങനെയിരിക്കുമ്പോ ഒക്കെ എനിക്ക് ആദ്യം അതാ ഓർമ വരുന്നേ… അതോണ്ട് പറഞ്ഞൂന്നേയുള്ളു… “
” അപ്പുവേട്ട… ഞാനൊരു കാര്യം ചോദിക്കട്ടെ… “
ദേവിക ചോദിച്ചു.
” എന്തിനാ ദേവൂ അനുവാദമൊക്കെ… നിനക്കെന്നോട് എന്തും ചോദിക്കാലോ “
അവൻ അവളുടെ മുഖത്തേക്ക് തന്നെ നോക്കിക്കൊണ്ട് പറഞ്ഞു.
” അതേ…. അത്… എനിക്കൊരു ഐസ്ക്രീം
വാങ്ങിത്തരാവോ “
അവളുടെ അസ്ഥാനത്തുള്ള ചോദ്യം കേട്ട് അപ്പു അറിയാത്തെ പൊട്ടിച്ചിരിച്ചുപോയി.
” ഹും.. ഹും .. ഏട്ടാ… പ്ലീസ്… വാ… നമുക്ക് പുറത്തൊക്കെ പോയിവരാം… എനിക്കിവിടെയിരുന്നു ബോറടിക്കുന്നു. “
അവൾ കൊച്ചുകുട്ടികളെപ്പോലെ ചിണുങ്ങി.
അങ്ങനെ അവർ അമ്മമാരോട് പറഞ്ഞ് അടുത്തുള്ള ഒരു കൂൾ ബാറിലേക്ക് തിരിച്ചു.
കൂൾബറിൽ ഒഴിഞ്ഞുകിടന്ന ഒരു ടേബിളിലേക്ക് അവർ ഇരുന്നു.
” നിനക്കിന്നും വാനില തന്നെയാണോ ദേവു… “
കൂൾ ബാറിൽ കയറി ഓഡർ കൊടുക്കാന്നേരം അപ്പു അവളോട് ചോദിച്ചു.
” ഉം… എനിക്ക് വാനില മതി “
അവൾ മറുപടി പറഞ്ഞു.
നന്നായിട്ടുണ്ട് ബ്രോ.. ❤️
??