നിർഭയം 4

Nirbhayam 4 | Author : AK | Previous Part

മുന്നിൽ നടക്കുന്നതെല്ലാം അവിശ്വസനീയമായി മാത്രമേ അവൾക്ക് കാണാൻ സാധിച്ചിരുന്നുള്ളൂ..
തന്റെ കണ്മുന്നിലുള്ളത് രക്തകടൽ പോലെയാണ് അവൾക്ക് തോന്നിയത്… എങ്ങും ഇറച്ചി കത്തിയ മണം… പൂർണനഗ്നരാക്കപ്പെട്ട പത്തിരുപതു ശരീരങ്ങൾ ജനനേന്ദ്രിയങ്ങൾ അറുത്തു മാറ്റപ്പെട്ട രീതിയിൽ തല കീഴെ കെട്ടിയിട്ടിരിക്കുന്നു… അവരുടെ ശരീരത്തിലൂടെ നിർത്താതെയുള്ള രക്തപ്രവാഹം… വേദനയും കരച്ചിലും പോലും മറന്ന അവസ്ഥയിലായിരുന്നു അവരെന്നു പെട്ടെന്ന് തന്നെ അവൾക്ക് മനസ്സിലായി… തൊട്ടടുത്തായി ചുവന്നു തീക്ഷ്ണമായ കണ്ണുകളും ഭയപ്പെടുത്തുന്ന ഭാവവുമായി ഒരു ചെറുപ്പക്കാരൻ സിഗരറ്റ് വലിച്ചുകൊണ്ട് തീ കായുന്നു… പക്ഷെ ഇറച്ചി കത്തുന്ന മണം… അതെ അറുത്തുമാറ്റിയ ജനനേന്ദ്രിയങ്ങൾ… പെട്ടെന്ന് തന്നെ സംയമനം പാലിച്ചു കൊണ്ട് അവൾ അലറി…

“ഫ്രീസ്… ഓൺ യുവർ നീ…”

അവന് നേരെ അവളും മറ്റു പോലീസുകാരും തോക്കുചൂണ്ടി…

**************************************

എന്റെ നേരെ തോക്കുചൂണ്ടി നിൽക്കുന്ന പോലീസുകാരെ കണ്ടപ്പോൾ എന്തെന്നറിയില്ല ചിരിയായിരുന്നു വന്നത്… ചിരിച്ചു… പൊട്ടിച്ചിരിച്ചു… നല്ല ഉച്ചത്തിൽ… കയ്യടിയോടെ തന്നെ…

“ഐ സെഡ് ഓൺ യുവർ നീ..”

“എന്താണാവോ മാം ഇത്ര നേരത്തെ… കുറച്ചുകൂടെ സമയം എനിക്ക് വേണമായിരുന്നു…”

മറ്റെല്ലാ പോലീസുകാരന്മാരുടെ കണ്ണുകളിലും ഭയമുണ്ടെന്ന് എനിക്ക് ഇതിനോടകം തന്നെ മനസ്സിലായി… എന്നാൽ അവളുടെ കണ്ണുകളിൽ എന്തായിരുന്നു… പരിഭ്രാന്തി ആയിരുന്നോ… അതോ ഭയം തന്നെയോ…