✮കൽക്കി࿐ (ഭാഗം – 18 ) വിച്ചു [ചെകുത്താനെ സ്നേഹിച്ച മാലാഖ ] 1240

അപ്പോഴേക്കും പോക്കറ്റിൽ കിടന്ന ഫോൺ റിങ് ചെയ്യാൻ തുടങ്ങി , ആദി എടുത്ത് നോക്കിയതും ….

” പരിചയമില്ലാത്ത നമ്പരാണല്ലോ …. ! ”

രുദ്രനോട് പറഞ്ഞ ശേഷം അവൻ കോൾ അറ്റന്റ് ചെയ്ത് ഫോൺ ചെവിയിൽ വച്ചു …

” ഹലോ …. ? ”

” മോനെ …. ആദി . ആന്റണിച്ചായനാ …. ”

മറുവശത്ത് നിന്നുള്ള ശബ്ദം കേട്ടതും ആദിയുടെ കണ്ണുകൾ വിടർന്നു …

” അച്ചായാ….. അച്ചായനിതെവിടെയാ …. എത്ര നാളായി ഞാൻ വിളിക്കുന്നു അപ്പോഴൊക്കെ നോട്ട് റീച്ചബിൾ , അച്ചായനെ കാണാൻ ഞാൻ നാട്ടിലും പോയിരുന്നു …. എനിക്ക് അച്ചായനെ അത്യാവശ്യമായി കാണണം എവിടെയാ ഇപ്പൊ … ? ”

ആദി ദൃതിയോടെ തിരക്കി …

” മോനെ ഞാനിപ്പോ ഇവിടെയുണ്ട് വൈകുണ്ഡ പുരിയിൽ …. ”

” ഇവിടെയോ …. ഇവിടെ എവിടെ …. ? ”

ആദി അൽഭുതത്തോടെ തിരക്കി ….

” മോനെ ഞാനിപ്പൊ കാലഭൈരവൻ ക്ഷേത്രത്തിന് പുറകിലായി ഒരു പഴയ കാവുണ്ട് അവിടെയാ , മോനിവിടം വരെ വേഗം വരണം . മോനോട് കുറച്ച് കാര്യങ്ങൾ സംസാരിക്കാനുണ്ട് . ബാക്കി നേരിട്ട് പറയാം ….. ”

അത്രയും പറഞ്ഞ ശേഷം കോൾ കട്ടായി ….

” എടാ ആരാ ആന്റണിച്ചായനാണോ … പുള്ളി എന്താ പറഞ്ഞത് . ഇപ്പൊ എവിടെയാ …. ? ”

ഇതൊക്കെ നോക്കി നിന്ന രുദ്രൻ സംശയത്തോടെ ചോദിച്ചു ..