✮കൽക്കി࿐ (ഭാഗം – 18 ) വിച്ചു [ചെകുത്താനെ സ്നേഹിച്ച മാലാഖ ] 1240

 

 

                    ……………………..

 

നന്ദാവനം മന .

 

ഒരു പഴയ മോഡൽ കോണ്ടസ കാർ ആ തറവാടിന് മുന്നിൽ പതിയെ വന്ന് നിന്നു , ശേഷം കാറിന്റെ പുറകിലെ ഡോർ തുറന്ന് പാങ്ങോടൻ തിരുമേനി പുറത്തേക്കിറങ്ങി …. കാറിന്റെ ശബ്ദം കേട്ട് പുറത്തേക്കിറങ്ങി വന്ന ശേഖരൻ അയാളെ കണ്ടതും വേഗം ബഹുമാനത്തോടെ അടുത്തേയ്ക്ക് ചെന്നു ….

 

” തിരുമേനി …. എന്താ ഒരു മുന്നറിയിപ്പും കൂടാതെ എന്തെങ്കിലും അത്യവശ്യം …. ”

ശേഖരൻ താഴ്മയോടെ ചോദിച്ചു …

 

” ഒന്നൂല്ല ടോ …… ഉത്സവം അടുത്ത് വരികയല്ലേ അതിന്റെ കാര്യത്തിനാ . രാമനില്ലേ അകത്ത് ? ”

 

” ഉവ്വ തിരുമേനി . അകത്തേയ്ക്ക് വന്നാലും … ”

ശേഖരൻ അതും പറഞ്ഞ് അയാളെ അകത്തേയ്ക്ക് ക്ഷണിച്ചു … ഉള്ളിലെ പ്രധാന സ്വീകരണ മുറിയിൽ ചെന്നതും

 

” രാമാ …… ”

ഭാർഗവരാമനെ കണ്ടതും അയാൾ സന്തോഷത്തോടെ വിളിച്ചു , ശേഷം ഇരുവരും ഒന്ന് കെട്ടിപ്പിടിച്ചു …

 

” എന്താടോ ഒരു മുന്നറിയിപ്പും ഇല്ലാണ്ട് … ? എന്താ വിശേഷിച്ച് …. ”

ഭാർഗവരാമൻ സന്തോഷത്തോടെ ചോദിച്ചു ….

 

” എന്താ രാമാ …. എനിക്ക് നിന്നെ കാണാൻ എന്തിനാ മുന്നറിയിപ്പ് … സുഖം തന്നെയല്ലേ എല്ലാവർക്കും ….. ”

പാങ്ങോടൻ ഒരു പുഞ്ചിരിയോടെ ചോദിച്ചു ….

 

” നാരായണന്റെ കൃപയാൽ എല്ലാം നന്നായി പോകുന്നു …. ”

 

” രാമാ …. ഞാൻ ഇപ്പൊ വന്നതിന് ഒരു കാരണം കൂടിയുണ്ട് … ഉത്സവം തുടങ്ങാൻ പോകുവല്ലേ അതിന് മുന്നോടിയായി കൊട്ടരത്തിന്റെ അറിയുപ്പുമായി വന്നതാ ഞാൻ , പതിവ് പോലെ …. ”

പാങ്ങോടൻ പറഞ്ഞു ….