……………………..

 

 

 

                   ✮കൽക്കി࿐

                       ഒരു രണ്ടാം വരവ്    

               

                              ഭാഗം – 18

Author : വിച്ചു

[ചെകുത്താനെ സ്നേഹിച്ച മാലാഖ] 

Previous Parts

 

   ◊◊◊◊◊◊◊◊ ◊◊◊◊◊◊◊◊  ◊◊◊◊◊◊◊ 

 

 

View post on imgur.com

 

 

                    ……………………..

 

 

” രുദ്രാ …. ഇനി ഒരു പക്ഷെ ഇതൊന്നും പുറം ലോകം അറിയരുതെന്ന് അവരും ചിന്തിക്കുന്നുണ്ടെങ്കിലോ … എന്തായാലും ഒരു കാരും ഉറപ്പാ ആ മൂന്ന് പേർ മാത്രമല്ല , അതിന് പുറകിൽ വേറെ ആരൊക്കെയോ ഉണ്ട് . ആ ബോഡികളും കാറും അവർ തന്നെ മാറ്റിയെങ്കിൽ … ”

 

” പക്ഷെ എന്തിന് ? എല്ലാത്തിനും ഒരു കാരണം ഉണ്ടാകില്ലേ ? ”

രുദ്രൻ ചോദിച്ചു .

 

” ഉണ്ടാവും അത് കണ്ട് പിടിക്കണം . ദക്ഷ പറഞ്ഞത് വച്ച് അവളീ നാട്ടിൽ പുതിയതാ . പുറത്ത് ആരുമായി അടുപ്പമോ പ്രശ്നങ്ങളോ ഒന്നുമില്ല … പ്ലാൻ ചെയ്ത് വന്ന് തട്ടിക്കോണ്ട് പോകണമെങ്കിൽ തക്കതായ കാരണം ഉറപ്പായും ഉണ്ടാകും , കണ്ട് പിടിക്കാം …. എടാ ഞാൻ പറഞ്ഞ സാധനങ്ങൾ … ”

ആദി ചോദിച്ചതും ചെറിയ ഒരു കവർ രുദ്രൻ അവന് നേരെ നീട്ടി ….

 

” നിനക്കെന്തിനാ ട്രാക്കർ ചിപ്പ് ….. ? ”

രുദ്രൻ സംശയത്തോടെ ചോദിച്ചു …

 

” വേണം , ആവശ്യമുണ്ട് …. ”

ആ പാക്കറ്റിലേയ്ക്ക് നോക്കിയ ശേഷം ആദി പറഞ്ഞു ….