……………………..

                   ✮കൽക്കി࿐

                       ഒരു രണ്ടാം വരവ്    

                              ഭാഗം – 11

( അധ്യായം 2 – ആരംഭം )

Author : വിച്ചു

[ചെകുത്താനെ സ്നേഹിച്ച മാലാഖ] 

Previous Parts

   ◊◊◊◊◊◊◊◊ ◊◊◊◊◊◊◊◊  ◊◊◊◊◊◊◊ 

ഹിസ്റ്റോറിക്കൽ ആന്റ് ആര്‍ക്കിയോലൊജിക്കൽ മ്യൂസിയം , പൂനെ .

” സ്റ്റുഡൻസ് ….. ഈ സെക്ഷനിൽ നിങ്ങൾ കാണുന്നത് നൂറ്റാണ്ടുകൾക്ക് മുൻപ് അതായത് ഇന്നത്തെ നമ്മുടെ ഇന്ത്യാമഹാരാജ്യം രൂപപ്പെടുന്നതിന് മുൻപ് നില നിന്നിരുന്ന പല സാമ്രാജ്യങ്ങളും അന്ന് തങ്ങളുടെ നാടിനെപ്പറ്റിയും ഭരണത്തെപ്പറ്റിയും എഴുതി എന്ന് കരുതപ്പെടുന്ന പല തരത്തിലുള്ള ലോഹ ലിഖിതങ്ങൾ , പ്രത്യേക രീതിയിൽ നിർമ്മിച്ച പുസ്തകങ്ങൾ എന്നിവയൊക്കെയാണ് …..

ഈ സെക്ഷനിൽ സൂക്ഷിച്ചിരിക്കുന്ന ഇവയുടെ പ്രത്യേകത എന്തെന്നാൽ , ഇവ രചിക്കപ്പെട്ടത് അവരുടേതായ പ്രാദേശിക ഭാഷകളിലായതിനാലും അവയൊക്കെ അന്യം നിന്നു പോയതിനാലും ഇതിലൊക്കെ എന്താണ് രേഖപ്പെടുത്തിയതെന്ന് വ്യക്തമായി പറയാൻ ആർക്കും ഇതുവരെ കഴിഞ്ഞിട്ടില്ല …. ”

ആ ഗെയിഡ് പറഞ്ഞതും ആ ഡിഗ്രി സ്റ്റുഡൻസ് അവയിലൂടെയൊക്കെ ഒന്ന് കണ്ണോടിച്ചു ….

” വരൂ നമുക്ക് അടുത്ത സെക്ഷനിലേക്ക് പോകാം …. ”

അയാൾ പറഞ്ഞ് മുന്നോട്ട് നടന്നതും ആ സ്റ്റുഡൻസ് പതിയെ അയാളുടെ പുറകേ നീങ്ങി , പക്ഷെ അതിൽ ഒരു പെൺകുട്ടി മാത്രം വന്ന സമയം മുതലേ കണ്ണാടിക്കൂട്ടിൽ സൂക്ഷിച്ചിരിക്കുന്ന ഒരു പുസ്തകത്തെ തന്നെ ശ്രദ്ധിച്ച് നോക്കി നിന്നിരുന്നു , ബാക്കി ഉള്ളവർ മുന്നോട്ട് നടന്നപ്പോഴും അവൾ മാത്രം ആ പുസ്തകത്തെ
ഇമവെട്ടാതെ നോക്കിനിന്നു .

” അവന്തികേ ……. ”

കൂട്ടത്തിലെ ഒരു പെൺകുട്ടി വിളിച്ചതും അവൾ ചിന്തയിൽ നിന്നുണർന്ന ശേഷം പതിയെ തിരിഞ്ഞ് നടന്നു , പക്ഷെ ഇടയ്ക്കിടയ്ക്ക് അവൾ ആ ചില്ല് കൂട്ടിലേക്ക് തന്നെ തിരിഞ്ഞ് നോക്കി , ശേഷം അവളുടെ ചുണ്ടുകൾ പതിയെ മന്ത്രിച്ചു …

” ഐ വിൽ ഫൈൻഡ് യു ”

തുടരുന്നു …….