✮കൽക്കി࿐ (ഭാഗം – 11 {അധ്യായം – 2 ആരംഭം} ) വിച്ചു [ചെകുത്താനെ സ്നേഹിച്ച മാലാഖ ] 859

ഒരു ശബ്ദത്തോടെ ആ വലിയ വാതിൽ രണ്ട് വശത്തേയ്ക്കും നീങ്ങി …. അവനൊന്ന് വട്ടം തിരിഞ്ഞ് ചുറ്റും നിൽക്കുന്ന എല്ലാവരെയും ഒന്ന് നോക്കിയ ശേഷം മുന്നിലെ വാതിൽ ലക്ഷ്യമാക്കി നടന്നു …..

ദൂരെ എവിടെ നിന്നോ പോലീസ് ജീപ്പിന്റെ സൈറൺ മുഴങ്ങുന്ന ശബ്ദം കേൾക്കുന്നുണ്ടായിരുന്നു , മ്യൂസിയത്തിലെ ഓട്ടോമാറ്റിക് സെക്യൂരിറ്റി സിസ്റ്റത്തിൽ നിന്നും ലഭിച്ച എമർജൻസി മെസേജ് പ്രകാരം അതന്വേഷിക്കാൻ വേഗത്തിൽ വരുകയാണ് അവരും ….

ആ വാഹനത്തിന്റെ ശബ്ദ തീവ്രത ഓരോ നിമിഷവും കൂടിക്കൊണ്ടിരുന്നു . മുന്നിലെ ആ വതിലിലൂടെ പുറത്തിറങ്ങിയ ആ യുവാവ് വേഗത്തിൽ തൊട്ടടുത്ത മറ്റൊരു ബിൽഡിങ്ങിന്റെ ഷെയിഡിലേക്ക് ചാടിക്കയറിയിട്ട് മുന്നോട്ട് ഓടി …. അപ്പോഴേക്കും മ്യൂസിയത്തിന്റെ ആ മെയിൻ കെട്ടിടത്തിന് മുന്നിൽ പോലീസ് ജീപ്പുകൾ നിരന്നു ….

പുറത്ത് നിൽക്കുന്ന എല്ലാവരുടെയും നോട്ടം കെട്ടിടത്തിന് മുകളിൽ നിൽക്കുന്ന മുഖം മറച്ച ആ കറുത്ത വസ്ത്രധാരിയിലേക്കാണെന്ന് മനസ്സിലായതും , ജീപ്പിന്റെ പുറത്തിറങ്ങിയ പോലീസുകാർ വേഗം അരിയിലിരുന്ന റിവോൾവർ എടുത്ത് അവന് നേരെ ചൂണ്ടി , പക്ഷെ ആ യുവാവാകട്ടെ അവരെ നോക്കി പരിഹാസച്ചുവയുള്ള ഒരു സല്യൂട്ട് നൽകിയ ശേഷം വേഗത്തിൽ ചാടിത്തിരിഞ്ഞ് ആ കെട്ടിടത്തിന് മുകളിൽ നിന്ന് താഴേക്ക് ചാടി , പക്ഷെ അയാൾ ചാടിയത് ആ കെട്ടിടത്തിനോട് ചേർന്നുള്ള ഉയരമേറിയ മതിലിന് പുറത്തേയ്ക്കായിരുന്നു …

പോലീസുകാർ നോക്കി നിൽക്കെ അവരെ നോക്കുകുത്തിയാക്കി അവർക്ക് എന്തെങ്കിലും ചെയ്യാൻ സമയം കിട്ടുന്നതിന് മുന്നേ അവൻ അവിടുന്ന് എടുത്ത് ചാടി .