✮കൽക്കി࿐ (ഭാഗം – 11 {അധ്യായം – 2 ആരംഭം} ) വിച്ചു [ചെകുത്താനെ സ്നേഹിച്ച മാലാഖ ] 859

ചില നിമിഷങ്ങൾ കഴിഞ്ഞതും പെട്ടെന്ന് ഷൂട്ടിങ് ശബ്ദം നിന്നു , ഒപ്പം നിലവിളി ശബ്ദവും …. ഭയന്ന് മുഖം പൊത്തി നിന്ന സന്ദർശകരും ജീവനക്കാരും മെല്ലെ മുഖയർത്തി നോക്കി . ചുറ്റും ചോരയിൽ കുളിച്ച് കിടക്കുന്ന പത്തോളം സെക്യൂരിറ്റികളുടെ ജീവനറ്റശരീരം നടുക്കായി മുട്ടുകുത്തി തലതാഴ്ത്തി നിൽക്കുന്ന ആ കറുത്ത രൂപവും …..

പെട്ടെന്ന് അയാൾ മുഖമുയർത്തി എല്ലാവരെയും നോക്കി , ആ കണ്ണുകളിൽ ആരെയും ഭയത്തിന്റെ കൊടുമുടിയിൽ എത്തിക്കാൻ കഴിയുന്ന ഒരു തരം ഭീതി ഉണ്ടായിരുന്നു ….

ചുറ്റും നിന്നവരിൽ ചിലർ തങ്ങളുടെ മക്കളെ ഭയം മൂലം ചേർത്ത് നിർത്തി , മറ്റ് ചിലർ മറ്റുള്ളവരുടെ പുറകിൽ ഒളിച്ചു ….

മുട്ടുകുത്തി നിന്ന ആ യുവാവ് പതിയെ നിലത്ത് നിന്ന് എണീറ്റു ശേഷം അവൻ ചുറ്റും നോക്കി ജീവനറ്റ് കിടക്കുന്ന ആ ശരീരങ്ങളിലേക്ക് …. ശേഷം അവൻ തന്റെ കയ്യിലിരുന്ന ആ പിസ്റ്റൽ നിലത്തേയ്ക്കിട്ടു എന്നിട്ടവൻ താൻ ധരിച്ചിരുന്ന ആ കറുത്ത ജാക്കറ്റിനുള്ളിൽ നിന്ന് കട്ടി കൂടിയ മറ്റൊരു വസ്ത്രം വലിച്ച് പുറത്തേയ്ക്ക് എടുത്ത ശേഷം അതും നിലത്തേയ്ക്കിട്ടു , കണ്ട് നിന്നവർക്ക് അത് ഒരു ബുള്ള് പ്രൂഫ് ഡ്രെസ്സാണെന്ന് വേഗത്തിൽ മനസ്സിലായി ….. .

ശേഷം അവൻ മുന്നിലെ അടഞ്ഞ് കിടക്കുന്ന ഡോറിലേക്കും ശേഷം റിസപ്ഷന്റെ ഭാഗത്തേയ്ക്കും നോക്കി . അവിടെ ഭയന്ന് എണീറ്റ് നിൽക്കുന്ന റിസപ്ഷനിസ്റ്റായ ഒരു യുവതി , അയാളുടെ നോട്ടം തന്റെ നേർക്കാണെന്ന് മനസ്സിലായതും അറിയാതെ തന്നെ അവളുടെ കൈ തൊട്ട് മുന്നിലെ സ്വിച്ചിലേക്ക് നീങ്ങി , ശേഷം അവളുടെ വിരൽ അതിലമർന്നു ….