✮കൽക്കി࿐ (ഭാഗം – 11 {അധ്യായം – 2 ആരംഭം} ) വിച്ചു [ചെകുത്താനെ സ്നേഹിച്ച മാലാഖ ] 859

അവളുടെ ആ സ്നേഹത്തിനും വാശിക്കും മുന്നിലാ നിന്റെ അമ്മാവന്മാർ മുട്ട് മടക്കിയത് , എന്തിന് എല്ലാത്തിനും മുകളിൽ നിൽക്കുന്ന ലക്ഷ്മിയുടെ അച്ഛൻ നിന്റെ മുത്തച്ഛൻ പോലും അവളുടെ വാശിക്ക് മുന്നിൽ അന്ന് പതറിപ്പോയി . ”

രഘുറാം ഒരു പുഞ്ചിരിയോടെ പറഞ്ഞു …..

” ഓ അങ്ങനെയാണ് സംഭവം . അല്ല അച്ഛനെങ്ങനെയാ അന്ന് ഇവിടെ ഈ നാട്ടിൽ എത്തിയത് ….. അതും പോലീസുകാർ പോലും കയറില്ല എന്ന് അച്ഛൻ പറഞ്ഞ ഈ നാട്ടിൽ , എന്തായാലും പോസ്റ്റിങ് കിട്ടി വന്നതാകില്ല …. ? ”

ദക്ഷ ഉടനെ ചോദിച്ചു …..

” മോള് പറഞ്ഞത് ശരിയാ …. പോസ്റ്റിങ് കിട്ടി വന്നതല്ല സർവ്വീസിൽ കയറി ചില വർഷങ്ങൾ കഴിഞ്ഞ ശേഷം ഈ ഗ്രാമം ഉൾപ്പെടുന്ന സിറ്റി ഡിവിഷനിലേക്ക് പോസ്റ്റിങ് ചോദിച്ച് വാങ്ങി വന്നതാ , ഒരാളെ കുറിച്ച് അന്വേഷിക്കാൻ വേണ്ടി . അതിനിടയിലാ ലക്ഷ്മിയെ കാണുന്നതും പരിചയപ്പെടുന്നതും ഇഷ്ടത്തിലാവുന്നതും …. അന്നത്തെ ആ ബഹളത്തിനിടയ്ക്ക് എനിക്ക് വന്ന കാര്യം പൂർത്തിയാക്കാൻ കഴിഞ്ഞില്ല . പിന്നെ നീ ജനിച്ച് മൂന്ന് വർഷമായപ്പോഴേക്കും സ്ഥലം മാറ്റം അതും നോർത്തിലേക്ക് , അന്ന് അറ്റ് പോയതാ ഈ നാടുമായുള്ള ബന്ധം ….. ”

രഘുറാം വിദൂരതയിലേക്ക് നോക്കിക്കൊണ്ട് പറഞ്ഞു …..

” അതാരാ അച്ഛാ അത്ര ഇംപോർട്ടന്റായ ആൾ ? അതും ഇത്രയും ദൂരം ഇങ്ങനെ ഒരു നാട്ടിലേക്ക് തിരക്കി വരാൻ വേണ്ടി പോസ്റ്റിങ് ചോദിച്ച് വാങ്ങി എന്ന് പറയുമ്പൊ ….. എന്നോട് പറഞ്ഞിട്ടില്ലല്ലോ അങ്ങനെ ഒരാളെപ്പറ്റി …. ”

ദക്ഷ ആകാംഷയോടെ ചോദിച്ചു ….