✮കൽക്കി࿐ (ഭാഗം – 11 {അധ്യായം – 2 ആരംഭം} ) വിച്ചു [ചെകുത്താനെ സ്നേഹിച്ച മാലാഖ ] 859

” ……. മൂന്ന് ആഴ്ച മുൻപ് ലഡാക് ട്രിപ്പെന്നും പറഞ്ഞ് ഇവിടുന്ന് ചാടിയതാ കക്ഷി ….. അവിടെ പോകുന്ന വഴിയിൽ എവിടെയോ വച്ച് എന്തോ പ്രശ്നത്തിന്റെ ഇടയിൽ പെട്ടെന്നോ പോലീസുകാർ അടിച്ചോട്ടിച്ചെന്നോ തല്ലുകിട്ടി ജീവനും കൊണ്ട് ഓടിയെന്നോ എന്നൊക്കെ വലിയമ്മ പറഞ്ഞ് ചരിക്കുന്നത് കേട്ടു …. എന്തായാലും ആള് നാളെയോ മറ്റെന്നാളോ ഇങ്ങെത്തും . പിന്നെ ഉള്ളത് അവന്തിക ചേച്ചി …. കക്ഷി ആള് ബ്രില്ല്യന്റാ ….. MA കംപ്ലീറ്റ് ചെയ്ത് ഇപ്പൊ പോസ്റ്റ് ഗ്രാജ്വേറ്റാ ബാംഗ്ലൂരിൽ …. പരീക്ഷയൊക്കെ കഴിഞ്ഞ് കക്ഷിയും മൂന്ന് നാല് ദിവസത്തിനകം ഇങ്ങെത്തും …. ”

അനാമിക അതും പറഞ്ഞ് ബെഡിൽ നിന്നെണീറ്റ ശേഷം റൂമിലെ അടഞ്ഞ് കിടന്ന ജനാലകളൊക്കെ തുറന്നിട്ടു …..

” ചേച്ചി സിവിൽ സർവീസിന് പ്രിപ്പയർ ചെയ്യുകയാ അല്ലേ ? വലിയച്ഛൻ പറയുന്നത് കേട്ടു ….. ”

” മ് അതേ അനൂ …… ”

ദക്ഷ ഒരു പുഞ്ചിരിയോടെ പറഞ്ഞു ….

” എങ്ങനെ ഉണ്ട് ചേച്ചി നമ്മുടെ നാട് ? ”

കുഞ്ഞു ഉടനെ ചോദിച്ചു

” വന്നതല്ലേ ഉള്ളൂ ….. സ്ഥലം കൊള്ളാം . വരുന്ന വഴി ഒരു വലിയ ക്ഷേത്രം കണ്ടു …… എന്തോ ആ സ്ഥലം കണ്ടപ്പൊ ഒരു തരം പോസിറ്റീവ് വൈബ് പോലെ …… അതു പോലെ തന്നെയാ ഈ നാടും ….. പ്രകൃതി സൗന്ദര്യം എന്ന് കേട്ടിട്ടേ ഉള്ളൂ വരുന്ന വഴിയിൽ ഞാനത് ഒരുപാട് അനുഭവിച്ചു ….. ”

ദക്ഷ സന്തോഷത്തോടെ പറഞ്ഞു കൊണ്ട് കുഞ്ഞുവിന്റെ അടുത്തായി ബെഡിലിരുന്നു ….

” ചേച്ചി പറഞ്ഞത് ശരിയാ പക്ഷെ എല്ലാ മനുഷ്യർക്കും രണ്ട് മുഖം ഉണ്ടെന്ന് പറയുന്നത് പോലെയാ ഈ നാടും ….. ചേച്ചി വൈകുണ്ഡ പുരി എന്ന് കേട്ടിട്ടുണ്ടോ …..? ”