✮കൽക്കി࿐ (ഭാഗം – 11 {അധ്യായം – 2 ആരംഭം} ) വിച്ചു [ചെകുത്താനെ സ്നേഹിച്ച മാലാഖ ] 859

പെട്ടെന്ന് ,

മ്യൂസിയത്തിനുള്ളിൽ വിലപിടിപ്പുള്ള സാധനങ്ങൾ സൂക്ഷിച്ച് വെച്ചിരിക്കുന്ന ഒരു വലിയ റൂമിൽ നിന്ന് കറുത്ത വസ്ത്രവും മാസ്കും ഷൂസും ഗ്ലൗസും തോളിലും അരയിലുമായി ചുറ്റിയ നിലയിൽ ചെറിയ ഒരു ബാഗുമൊക്കെ ധരിച്ച ഒരാൾ ഓടി വന്നു പുറകെ സെക്യൂരിറ്റി ജീവനക്കാരും …. മുന്നോട്ട് പ്രവേശിക്കാതിരിക്കാൻ കെട്ടിയിരുന്ന ഇരുമ്പ് ചങ്ങലയ്ക്ക് മുകളിലൂടെ ചാടിക്കുതിച്ച് ആ യുവാവ് മുന്നോട്ട് ഓടി , ഒരു അഭ്യാസിയെപ്പോലെ ….

” സ്റ്റോപ്പ് , നിന്നില്ലെങ്കിൽ ഞങ്ങൾക്ക് ഷൂട്ട് ചെയ്യേണ്ടി വരും ….. ”

ആ യുവാവ് ഓടി മ്യൂസിയത്തിലെ പ്രധാന ഹാളിന്റെ നടുക്കായി എത്തിയതും പുറുകേ ഓടി വന്ന സെക്യൂരിറ്റി ജീവനക്കാർ ഉറക്കെ വിളിച്ച് പറഞ്ഞു കൊണ്ട് അരയിലിരുന്ന തോക്ക് കയ്യിലെടുത്ത് അയാൾക്ക് നേരെ ചൂണ്ടി . അവർ വിളിച്ച് പറഞ്ഞത് കേട്ടതും ആ യുവാവ് പെട്ടെന്ന് അവിടെ നിന്ന ശേഷം തന്റെ രണ്ട് കൈകളും മുകളിലേയ്ക്ക് ഉയർത്തിപ്പിടിച്ചു .

ശേഷം അവൻ മുന്നിലേക്ക് നോക്കി ,
‘ പ്രധാന വാതിൽ അടഞ്ഞ് കിടക്കുകയാണ് മാത്രമല്ല തന്റെ മുന്നിലും പിന്നിലും തോക്കുമായി തന്നെ എതിരിടാൻ ഒത്തിരി പേരും . ‘ അവൻ മനസ്സിൽ വിജാരിച്ചുകൊണ്ട് ചുറ്റും നോക്കി ശേഷം കൈകൾ ഉയർത്തിപ്പിടിച്ചു കൊണ്ട് തന്നെ തിരിഞ്ഞ് നിന്നു , തന്റെ നേരെ തോക്ക് ചൂണ്ടി നിൽക്കുന്നവരുടെ നേരെ മുഖാമുഖം .

അവിടെ ഇതെല്ലാം കണ്ട് നിന്നവർ ഒന്ന് ഭയന്നിരുന്നു.