✮കൽക്കി࿐ (ഭാഗം – 11 {അധ്യായം – 2 ആരംഭം} ) വിച്ചു [ചെകുത്താനെ സ്നേഹിച്ച മാലാഖ ] 859

ആ തറവാടിനുള്ളിലെ വലിയ വിശാലമായ സ്വീകരണ മുറിയിൽ അവരെയും കാത്ത് രണ്ട് പേർ കൂടി ഉണ്ടായിരുന്നു , അവിടെ സോഫയിൽ ഇരിക്കുകയായിരുന്ന അവരെ കണ്ടതും .

” മോളെ ഇതാ നിന്റെ മുത്തശ്ശനും മുത്തശ്ശിയും … ”

രഘുറാം ഉടനെ തന്റെ മകളോട് പറഞ്ഞു . ഉടനെ തന്നെ ദക്ഷ അവരുടെ അടുത്ത് ചെന്ന് അവരുടെ കാൽ തൊട്ട് വണങ്ങി ……

” നന്നായി വരും കുട്ട്യേ . ഞങ്ങളുടെ അനുഗ്രഹം എപ്പോഴും ഉണ്ടാകും …. ”

മുത്തശ്ശി അതും പറഞ്ഞ് ദക്ഷയെ പിടിച്ച് എഴുന്നേൽപ്പിച്ച ശേഷം അവളെ കെട്ടിപ്പിടിച്ചു എന്നിട്ട് അവളുടെ നെറ്റിയിൽ മുത്തമിട്ടു . ശേഷം അവളെ സോഫയിൽ തങ്ങളുടെ നടക്കായി ഇരുത്തി ….

” രഘൂ ….. മോൻ നിൽക്കാത ഇങ്ങോട്ടിരിക്ക് . ദത്താ ഇവരുടെ സാധനങ്ങൾ എന്താന്ന് വച്ചാൽ അകത്തേയ്ക്ക് ഇവർക്ക് ഒരുക്കിയ മുറികളിലേക്ക് എടിപ്പിക്യ …… ”

അവരുടനെ പറഞ്ഞു …..

” മൂന്നാം വയസ്സിൽ നിന്നെയും കൊണ്ട് നിന്റച്ഛൻ ഈ പടിയിറങ്ങിയതാ …… ഇപ്പൊ മോള് വലിയ കുട്ടിയായി …… മോളെ കണ്ടപ്പൊ കൊച്ചുമകളായിട്ടല്ല തോന്നിയത് ഞങ്ങളുടെ ലക്ഷ്മിയായിട്ടാ …. അത് തോന്നലല്ല അത് തന്നെയാ ശരി ….. ”

മുത്തശ്ശൻ അതും പറഞ്ഞ് അവളുടെ തലയിൽ മെല്ലെ തലോടി .

” മോളുടെ അമാന്തിച്ചുള്ള ഇരുപ്പ് കണ്ടാൽ അറിയാം ആരെയും പിടികിട്ടിയിട്ടില്ല എന്ന് ….
അതെങ്ങനെയാ ആരെയും അറിയില്ലല്ലോ ?

ഇത് മോളുടെ മുത്തശ്ശൻ ഈ കുടുംബത്തിന്റെ ഇപ്പോഴത്തെ കാരണവർ പേര് ഭാർഗവരാമൻ . ”

പ്രായം എൺപതിനോടടുത്തിട്ടും ആരോഗ്യത്തിനും മനധൈര്യത്തിനും ഒട്ടും കോട്ടം വരാത്ത ആ വൃദ്ധനെ നോക്കി അവർ പറഞ്ഞു ….