✮കൽക്കി࿐ (ഭാഗം – 11 {അധ്യായം – 2 ആരംഭം} ) വിച്ചു [ചെകുത്താനെ സ്നേഹിച്ച മാലാഖ ] 859

” ഉം ”

” എന്തിന് ? ”

” അല്ല , ഇതുവരെ ഞാനായിരുന്നു ഇവിടെ നന്നായി ഡാൻസ് ചെയ്തു കൊണ്ടിരുന്നത് , അതും ഒരു എതിരാളി പോലുമില്ലാതെ . പക്ഷെ ഇപ്പൊ ചേച്ചി വന്നില്ലേ …. ഞാൻ ഫീൽഡ് ഔട്ടായില്ലേ …. ? ”

അനു ചെറിയ വിഷമത്തോടെ പറഞ്ഞു , അത് കേട്ടതും ദക്ഷ ഒന്ന് ചിരിച്ചു ….

” ഇങ്ങനെ ഒരു കുശുമ്പി ….. ”

ദക്ഷ ചോദിച്ചതും അവളും ഒന്ന് ചിരിച്ചു ….

” ചേച്ചി ഞാനൊരു ഗുഡ് ന്യൂസ് പറയാൻ വന്നതാ ….. ഞാൻ നൃത്തം പഠിക്കാൻ പോകുന്നിടത്ത് തന്നെ ചേച്ചിയേയും ചേർക്കാനാ പ്ലാൻ , ചർച്ചകൾ നടക്കുന്നുണ്ട് .”

അനു സന്തോഷത്തോടെ പറഞ്ഞു ദക്ഷ ഒരു പുഞ്ചിരിയോടെ കേട്ടിരിക്കുക മാത്രം ചെയ്തു ….

” ചേച്ചി ഞാനൊരു കാര്യം ചോദിച്ചാൽ സത്യം പറയണം ….. ”

അനു ഒരു കുസൃതിയോടെ ചോദിച്ചു ….

” നീ കാര്യം ചോദിക്ക് ….. ? ”

” ആരാ ചേച്ചി ആ കള്ളക്കണ്ണൻ ? ”

” ഏത് കണ്ണൻ ”

കാര്യം മനസ്സിലാകാതെ ദക്ഷ ചോദിച്ചു …

” അല്ല ഇന്ന് ചേച്ചിയുടെ നൃത്തം കണ്ടതിന് ശേഷം എനിക്കൊരു ചെറിയ സംശയം . നൃത്തം ചെയ്ത സമയം ചേച്ചി യഥാർത്ഥത്തിൽ വൃന്ദാവനത്തിലെ രാധയായി മാറിയോ എന്ന് , അങ്ങനെയെങ്കിൽ ഒരു കള്ള കണ്ണനും ഉണ്ടാകില്ലേ അതാരാ എന്നാ ചോദിച്ചേ ? ”

അനു ഒരു കള്ളച്ചിരിയോടെ ചോദിച്ചു …..

” അങ്ങനെ ആരും ഇല്ലെങ്കിലോ ? ”

അനുവിന്റെ ചോദ്യം കേട്ടതും ദക്ഷ ഒരു ചിരിയോടെ തിരികെ ചോദിച്ചു …..