ഹൃദയരാഗം 20 [Achu Siva] 705

‘ആ…വിനയേട്ടാ ,ഞാൻ ഇവിടെ ക്യാന്റീനിന്റെ അടുത്തുള്ള ആൽമരത്തിന്റെ അവിടെ വെയിറ്റ് ചെയ്യുവാ …ഇവിടേക്ക് വന്നാ മതി” …

“അല്ല ..ഞാൻ ഒറ്റക്കല്ല ..ഗീതുവും അഞ്ജനയും എന്റെ കൂടെ ഉണ്ട്” ..

“ഉം ..Ok..”…അത് പറഞ്ഞു അവൾ ഫോൺ വെച്ചു.

അപ്പൊ പിള്ളേരെ സംഗതി ഒരുവിധം കരയ്ക്കു അടുത്തിട്ടുണ്ട് ..എന്റെ ചോട്ടൻ ഒരു പത്തു മിനിറ്റിനുള്ളിൽ ഇങ്ങെത്തും …വാസുകി അതിയായ സന്തോഷത്തോടെ പറഞ്ഞു .

അപ്പോഴേക്കും ടീനയും വാലുകളും പിന്നെ വിനയ്നെ  പരിചയപ്പെടാൻ താല്പര്യം കാട്ടിയ ചില കുട്ടികളും അവർക്ക് അരികിലേക്ക് വന്നു ..

“എന്താണ് വാസുകി നിന്റെ കറക്കം ഒക്കെ എങ്ങനുണ്ട് ?അല്ല കുറെ നേരമായല്ലോ ഈച്ച ആട്ടി ഇരിക്കാൻ തുടങ്ങിയിട്ട് …ഇന്നെങ്ങാണും ഒന്നു വരുമോ ആവോ “?അവൾ വന്നപ്പോ തന്നെ ചൊറിച്ചിൽ ആരംഭിച്ചു …

“നിന്നെ പോലെ സംസ്കാരം ഇല്ലാത്തവളുമാരോട് എനിക്ക് തർക്കിക്കാൻ സമയം ഇല്ല …ഏട്ടൻ ഇപ്പോ വരും “..വാസുകി ഒരു പുച്ഛത്തോടെ ടീനയെ നോക്കി പറഞ്ഞു ..

“ആ….വന്നാൽ കൊള്ളാം “..ടീനയും അതേ പുച്ഛത്തോടെ മറുപടി കൊടുത്തു …

കുറച്ചു സമയത്തിന് ശേഷം ക്യാന്റീനിലേക്ക് കയറി വരുന്ന സ്റ്റെപ്പിന് താഴെയായി വിനയ്ടെ കാർ വന്നു നിന്നു …

അത് കണ്ട വാസുകി ഇരുന്നിടത്തു നിന്നും ചാടി എഴുന്നേറ്റു ..

“എന്റെ വിനയേട്ടൻ എത്തിപ്പോയി   ….കാണേണ്ടവർ ഒക്കെ കൺകുളിർക്കെ കണ്ടോളു …ചൊറിച്ചിലിന്റെ അസുഖമുള്ളവളുമാർ പ്രേത്യേകിച്ചും” ..ടീനയെ ഇടംകണ്ണിട്ട് നോക്കി വാസുകി പറഞ്ഞു നിർത്തി …