ഹൃദയരാഗം 20 [Achu Siva] 705

“കണ്ടോ കണ്ടോ …അവളുടെ നാണം കണ്ടോ ?എന്തോ ഒളിപ്പിക്കുന്നുണ്ട് .സത്യം പറഞ്ഞോ മോളേ ..ഉം വേഗം ആയിക്കോട്ടെ” …

എന്റെ അഞ്ചു ഇവളോട് മിണ്ടാതിരിക്കാൻ പറ ..എനിക്കൊന്നു ചിരിക്കാൻ പോലുമുള്ള സ്വാതന്ത്ര്യം ഇവിടെ ഇല്ലേ ?ഇതെന്ത് പാട് …വാസുകി തന്റെ ഉള്ളിലെ കാര്യങ്ങൾ മറച്ചു പിടിക്കാൻ നോക്കി ..

“അപ്പോ മോളു പറയില്ല അല്ലേ ,ശെരി ഡീ അഞ്ചു ഞാൻ ഒന്നു മിസ്സിനെ കണ്ടിട്ട് ഇപ്പോ വരാം ..”.ഗീതു അവിടെ നിന്നു എണീറ്റു ..

“അല്ല നീ ഇപ്പോ എന്തിനാ മിസ്സിനെ കാണാൻ പോകുന്നെ? ..ഇത് നമ്മുടെ പ്ലാനിൽ ഇല്ലല്ലോ “?..വാസുകി അമ്പരപ്പോടെ ചോദിച്ചു ..

ഇതിപ്പോ ഞാൻ ആഡ് ചെയ്തതാ ..ഏതായാലും നിന്റെ നാണത്തിന്റെ റീസൺ നീ  പറയാത്ത സ്ഥിതിക്ക് നിന്റെ തലവേദന ഫുൾ അടവാണെന്നു ഞാൻ മിസ്സിനെ അറിയിക്കാൻ പോവാ …

“ദേ ഒരുമാതിരി വൃത്തികേട് പറയരുത് ..നീ ഇവിടെ ഇരുന്നേ “…വാസുകി ഗീതുവിനെ ചെയറിലേക്ക് പിടിച്ചിരുത്തി .. ഗീതു മുഖം വീർപ്പിച്ചു ഇരുന്നു ..

ഇനി ഇതിന്റെ പേരിൽ നീ അത് വീർപ്പിച്ചു പൊട്ടിക്കണ്ടാ ഞാൻ പറയാം പോരെ …അങ്ങനെ വാസുകി ഇന്നലെ ഉണ്ടായ സംഭവങ്ങൾ അവരോടു പറഞ്ഞു …മുഴുവൻ കാര്യങ്ങളും അവൾ പറയാൻ നിന്നില്ല …അവർ പിണങ്ങുമെന്നു കരുതി ഒരുവിധമൊക്കെ പറഞ്ഞൊപ്പിച്ചു …ചിലതൊക്കെ മറച്ചു പിടിച്ചു …

“എന്നാലും എന്റെ പെണ്ണേ നിന്നെ സമ്മതിക്കണം ,അപ്പോ നീ രണ്ടും കല്പിച്ചാണല്ലേ …നീ നിന്റെ കേട്ടിയോന്റെ തപസ്സ് ഇളക്കാൻ തന്നെയാണ് ഉദ്ദേശ്യം അല്ലേ ?കൊള്ളാം മോളേ നിന്നേ ഞങ്ങൾ നിരുത്സാഹപെടുത്തുന്നില്ല .അല്ലേടി ?”അഞ്ജു ഗീതുവിനോടായി ചോദിച്ചു ..

പിന്നല്ല …അപ്പോ അധികം വൈകാതെ ഒരു റിയൽ തലകറക്കം ഒക്കെ പ്രതീക്ഷിക്കാം അല്ലേ ? ഞാൻ ഒരു കാര്യം പറഞ്ഞേക്കാം ഈ അടുത്തിടക്കെങ്ങും ഞങ്ങൾക്ക് ആന്റിമാർ ആകാൻ താല്പര്യമില്ല …കേട്ടല്ലോ …ഗീതു വാസുകിക്ക് നേരെ വിരൽ ചൂണ്ടി പറഞ്ഞു …