ഹൃദയരാഗം 20 [Achu Siva] 705

ഗീതുവിന്റെ തോളിൽ ചായ്ഞ്ഞു കിടക്കുകയായിരുന്ന വാസുകിയുടെ മനസ്സിൽ ഒരേ സമയം സന്തോഷവും പേടിയും നിറഞ്ഞു നിന്നു ..താൻ ചെയ്യുന്നത് കള്ളമാണെന്ന് അറിഞ്ഞാൽ വിനയ്ടെ പ്രതികരണം അവൾക്ക് ഊഹിക്കാവുന്നതേ ഉള്ളൂ …അവൾ  മുഖമൊക്കെ അമർത്തി തുടച്ചു അവിടെ നിന്നും പതിയെ എഴുന്നേറ്റു …

ഇത് കണ്ട മിസ്സ് എന്താണെന്ന ഭാവത്തിൽ അവളെ ഒന്നു നോക്കി …

“എന്താണ് വാസുകി …ഇയാൾ ഇതിപ്പോ എങ്ങോട്ടു പോകാനാ ഈ എഴുന്നേൽക്കുന്നത് ..തന്റെ ഹസ്ബൻഡ് ഉടനെ എത്തുമെന്നല്ലേ പറഞ്ഞത് .അതുവരെ ഇവിടെ തന്നെ ഇരിക്കു.”

“അത് ..അത് പിന്നെ മിസ്സ് ,എനിക്കൊരു കോഫി കുടിച്ചാൽ കൊള്ളാമെന്നുണ്ട് ..തലവേദനയ്ക്ക് ഒരു ആശ്വാസം ആകും ..വിനയേട്ടൻ ഉടനെ ഇങ്ങെത്തും ..അതിനു മുൻപ് ക്യാന്റീനിൽ പോയി കോഫി കുടിച്ചിട്ട് അവിടെ ആലിന്റെ അടുത്തു വെയിറ്റ് ചെയ്യാലോ ..വിനയേട്ടൻ എത്താറാകുമ്പോ വിളിക്കാം എന്ന് പറഞ്ഞിട്ടുണ്ട് ..അപ്പോ ഞാൻ  ആലിന്റെ അവിടേക്ക് വരാൻ പറഞ്ഞോളാം .”.

“ഹേയ് ,അതൊന്നും ശരിയാവില്ല ..ഇവിടെ ഇരുന്നാൽ മതി  . കോഫി വേണേൽ ഇങ്ങോട്ട് വരുത്തിക്കാം ..ഇനി ഇവിടുന്നു എഴുനേറ്റ് പോയിട്ട് വീണ്ടും തലകറങ്ങി വീഴാൻ ആണോ ?”വാസുകി പറഞ്ഞത് ഇഷ്ടപെടാത്ത രീതിയിൽ മിസ്സ് പറഞ്ഞു ..

“അയ്യോ ഇപ്പോ എനിക്ക്  നല്ല ഭേദം ഉണ്ട് മിസ്സ് ഒരു കുഴപ്പോം ഇല്ല ..മാത്രമല്ല അഞ്ജനയും ഗീതുവും എന്റെ കൂടെ ഉണ്ടല്ലോ “.അവൾ അത് പറഞ്ഞു നിർത്തി ദൈവമേ ഇവര് സമ്മതിക്കണേ എന്ന ഭാവത്തിൽ മിസ്സിനെ നോക്കി ..

ഡീ കൂറകളെ ഒന്നു സപ്പോർട്ട് ചെയ് വിനയേട്ടൻ നേരെ ഇങ്ങോട്ടാണ് വരുന്നതെങ്കിൽ നമ്മുടെ പ്ലാൻ എല്ലാം ചീറ്റും ..പിന്നെ വിശദമായ പരിചയപ്പെടുത്തൽ ഒന്നും നടക്കാൻ പോണില്ല …വാസു അടുത്തായി നിന്ന അഞ്ജനയോടു അവൾക്ക് മാത്രം കേൾക്കത്തക്ക രീതിയിൽ പറഞ്ഞു .

“ശരിയാണ് മിസ്സ് ..ഇവൾക്ക് നല്ല ഷീണം ഉണ്ട് ..എന്തെങ്കിലും കുടിച്ചാൽ അത് അവൾക്കൊരു ആശ്വാസം ആകും …….ഇവളുടെ ഹസ്ബൻഡ് വന്നു കൂട്ടി കൊണ്ടു പോണ വരെ ഞങ്ങൾ കൂടെ ഇരുന്നോളാം മിസ്സ് …ഇപ്പോ ലഞ്ച് ബ്രേക്ക്‌ ആകുമല്ലോ .അതുകൊണ്ട് ക്ലാസും മിസ്സാവില്ല .ഞങ്ങൾ നോക്കിക്കോളാം മിസ്സ് .”.വാസുകിയെ സപ്പോർട്ട് ചെയ്യാനെന്നോണം അഞ്ജന ചാടികേറി പറഞ്ഞു …

അവർ പറഞ്ഞതിലൊന്നും അത്ര താല്പര്യമില്ലാത്ത പോലെ മിസ്സ് അവരെ മൂന്ന് പേരെയും ഒന്നു മാറി മാറി നോക്കി ..എന്നിട്ട് എന്തോ ആലോചനയിൽ മുഴുകി ..