ഹൃദയരാഗം 20 [Achu Siva] 705

അത് .സോറി മാം .. ഞാൻ തിരക്കിൽ ആകുമെന്ന് അവൾക്ക് മനസ്സിലാകും എന്ന് കരുതി അതാണ് എടുക്കാതിരുന്നത് .എന്താണ് പറ്റിയത് മാം ?

അത് പേടിക്കാനൊന്നുമില്ല …വാസുകി ഒന്നു തലകറങ്ങി വീണു ..നല്ല തലവേദന ഉണ്ടെന്നു പറയുന്നു …

ഇത് കേട്ട വിനയ് താൻ ഇരുന്ന ചെയറിൽ നിന്നും ചാടി എഴുന്നേറ്റു ..എന്താണ് മാം എന്താണ് വാസുകിയ്ക്കു പറ്റിയത് ?ഹോസ്പിറ്റലിൽ കൊണ്ടു പോകണോ …അയാൾ എന്തെന്നില്ലാത്ത വെപ്രാളത്തോടെ ചോദിച്ചു …

ഹേയ് താങ്കൾ ഇങ്ങനെ ടെൻഷൻ അടിക്കാനും മാത്രം ഒന്നുമില്ല മിസ്റ്റർ വിനയ് .ഒന്നു റെസ്റ് എടുത്താൽ മാറുന്നതെ ഉള്ളൂ .ബുദ്ധിമുട്ടില്ലെങ്കിൽ ഈ കുട്ടിയെ വീട്ടിലേക്ക് കൂട്ടികൊണ്ടു പോകാൻ പറയാനായിരുന്നു വിളിച്ചത് .

ഓക്കേ മാം ഞാൻ ഉടനെ എത്താം ..വാസു ,അവൾക്ക് ഇപ്പോ ഓക്കേ ആണോ ?അയാളുടെ വാക്കുകളിൽ അവളുടെ അവസ്ഥയെ പറ്റി അറിയാനുള്ള ആകാംക്ഷ നിറഞ്ഞു നിന്നു …

വാസുകിയ്ക്കു ഇപ്പൊ കുഴപ്പം ഒന്നുമില്ല …സ്റ്റാഫ്‌ റൂമിൽ ഉണ്ട് .കൊടുക്കണോ ?…

വിനയ് ഒരു നിമിഷം ഒന്നു ആലോചിച്ചു …പിന്നെ മറുപടി പറഞ്ഞു ..

യെസ് മാം ഒന്നു കൊടുത്തെങ്കിൽ നന്നായിരുന്നു ..

ഓക്കേ മിസ്റ്റർ .വിനയ് ഞാൻ വാസുകിയുടെ കൈയിൽ കൊടുക്കാം …

കണ്ണടച്ച് കിടക്കുകയാണെങ്കിലും വാസുകിയുടെ ചെവി രണ്ടും അവരുടെ സംഭാഷണത്തിനായി ഡെഡിക്കേറ്റ് ചെയ്ത് വെച്ചിരിക്കുകയായിരുന്നു ..അയാൾ വരുമോ ഇല്ലയോ എന്നാ ചിന്തയിൽ അവളുടെ നെഞ്ച് പട പടാ എന്ന് ഇടിച്ചു കൊണ്ടിരുന്നു .
മിസ്സ് മൊബൈൽ അഞ്ജനക്ക് കൈമാറി വാസുകിയ്ക്കു കൊടുക്കാൻ പറഞ്ഞു …

വാസുകി അവശത അഭിനയിച്ചു കൊണ്ടു തന്നെ മൊബൈൽ കൈയിൽ വാങ്ങി ..മനസ്സിൽ അയാളോട് നല്ല ദേഷ്യം ഉണ്ട് .