‍‍കാപ്പി പൂത്ത വഴിയേ…..2| kaappi poottha vazhiye….2- | Author : ചെമ്പരത്തി

[ Previous Part ]

View post on imgur.com

ഇടതു സൈഡിലെ ഡോർ തുറന്ന് പുറത്തു ചാടിയ ഡേവിഡ് കണ്ടത് മുൻവശത്ത്,ഇടതു സൈഡിലെ ടയർനോട് ചേർന്നു ഒന്നര രണ്ടു വയസ്സോളം തോന്നിക്കുന്ന ഒരു പെൺകുഞ്ഞ് ചുരുണ്ടുകൂടി നിലത്ത് ഇരിക്കുന്നു….

ഭയന്ന് വിറച്ച്,കാൽമുട്ടിൽ താടി ചേർത്ത് വെച്ച് ഇരുകൈകളും കഴുത്തടിയിലേക്ക് ചുരുട്ടിവച്ച് ഇരിക്കുന്ന അവളുടെ കുഞ്ഞ് ശരീരം പേടികൊണ്ട് വിറക്കുന്നുണ്ടായിരുന്നു….
നിമിഷനേരം കൊണ്ടവളുടെ കുഞ്ഞധരങ്ങൾ കറുത്ത് പോയി…
പേടി കൊണ്ടാകണം കരച്ചിലിന്റെ ശബ്ദം പുറത്തേക്കു എത്തുന്നില്ലായിരുന്നു…..

ഒരു നിമിഷം പതറി നിന്ന ഡേവിഡ് അവളെ വാരിയെടുത്തു നെഞ്ചോട് ചേർത്തു…
ആരാണെന്ന് പോലും നോക്കാതെ ആ പിഞ്ചുകുഞ്ഞ് അവന്റെ നെഞ്ചോട് ചേർന്ന്,ചുറ്റും എത്താത്ത കുഞ്ഞു കൈകൾ കൊണ്ട് അവനെ ഇറുക്കി പിടിച്ചു……..

അവൻ അവളുടെ കുഞ്ഞു ശരീരമാകെ ഒന്ന് കണ്ണോടിച്ചു…..
എവിടെയെങ്കിലും ചെറിയ മുറിവുകളോ മറ്റോ ഉണ്ടോ എന്ന് അറിയാൻ..

വണ്ടി വലത്തേക്ക് വെട്ടിക്കാൻ ഒരു നിമിഷം കൂടി വൈകിയിരുന്നെങ്കിൽ ആ കുഞ്ഞിന്റെ അവസ്ഥ ഇത് ആയിരിക്കില്ല  എന്ന ചിന്തയിൽ ഡേവിഡിന്റെ ശരീരം കടുത്ത തണുപ്പിനാൽ എന്നവണ്ണം ഒന്ന് വിറകൊണ്ടു…..

“അച്ചൂട്ടി……”