കാപ്പിപൂത്ത വഴിയേ…2 [ചെമ്പരത്തി ] 922

അച്ചൂട്ടി നിഷേധാർത്ഥത്തിൽ തലയാട്ടി എങ്കിലും മിത്ര കുഞ്ഞിനെയുമെടുത്ത് അടുക്കളയിലേക്ക് നടന്നു…..

കുറച്ച് ചോറും കോരിയിട്ട്, അതിലേക്ക് തൊടിയിൽ നിന്ന് കിട്ടിയ ചേമ്പിന്റെ താൾ കറിവെച്ചതും എടുത്തു അവൾ, കുറച്ച് ദൂരെയായി കണ്ട ഒരു തള്ള പൂച്ചയുടെയും അതിന്റെ കുഞ്ഞുങ്ങളുടെയും കളികൾ കാണിച്ചു കൊടുത്തു കൊണ്ട് അച്ചൂട്ടിയെ പതിയെ വാരി കഴിപ്പിച്ചുകൊണ്ടിരുന്നു…….

********************************

രണ്ടു ദിവസം എന്ന് പറഞ്ഞിരുന്നെങ്കിലും രാമേട്ടൻ പിറ്റേദിവസം തന്നെ ഒരാളെ ഏർപ്പാടാക്കിയിരുന്നു….

“മോനേ ഇത് ദേവകി…….കുറച്ചപ്പുറത്ത് മാറി ആണ് വീട്…… ഭക്ഷണം വെക്കാൻ ആളു വേണം എന്ന് പറഞ്ഞിട്ട് വന്നതാ…”

ഡേവിഡ് മുമ്പിൽ നിൽക്കുന്ന ആളെ ഒന്ന് നോക്കി… അവരുടെ മുഖത്ത് ഒരുതരം പുച്ഛവും അഹങ്കാരവും ആയിരുന്നു നിറഞ്ഞ് നില്ക്കുന്നത് എന്ന ഡേവിഡ് അസ്വസ്ഥതയോടെ കണ്ടു…..

“ചേച്ചി…….. ഭക്ഷണം വയ്ക്കണം വീട് വൃത്തിയാക്കി ഇടണം വേറെ ഒന്നും ചെയ്യേണ്ട……….പിന്നെ ഭക്ഷണം മൂന്നു നേരത്തേക്ക് കൂടി ഒരുമിച്ച് വയ്ക്കേണ്ട എനിക്കത് ഇഷ്ടമല്ല……അത്താഴം നേരത്തെ വച്ച് ചേച്ചി പൊയ്ക്കോളൂ അതു കുഴപ്പമില്ല….”

“അത് സാറേ…….എന്നോട് വീട് വൃത്തിയാക്കുന്ന കാര്യം ഒന്നും പറഞ്ഞിട്ടില്ല…