ആ രാത്രിയിൽ 5[പ്രൊഫസർ ബ്രോ] 176

“പിന്നെ… പോസ്റ്റ്മോർട്ടം ചെയ്യാൻ കിടക്കുന്ന ബോഡിക്കല്ലേ ഹാർട്ട്‌ ബീറ്റ് നോക്കുന്നത്… പോടി പൊട്ടീ”ഏട്ടൻ പതിയെ എന്റെ തലയിൽ കിഴുക്കി. വേദന ഒന്നും എടുത്തില്ലെങ്കിലും വെറുതെ മുഖം കൂർപ്പിച്ച എന്നെയും ചേർത്തു പിടിച്ചുകൊണ്ടു ഏട്ടൻ ഡൈനിങ്ങ് ടേബിളിലേക്ക് നടന്നു

എന്നെത്തെയും പോലെ സന്തോഷത്തോടെ തന്നെയാണ് അന്നും വൈകിട്ട് വീട്ടിലേക്ക് വന്നത്, എന്നും ഞാൻ ആണ് ആദ്യം വരുന്നത് പക്ഷെ ഇന്ന് മുൻ വാതിൽ തുറന്ന് കിടക്കുന്നു

ഏട്ടൻ നേരത്തെ വന്നതാവും എന്ന് കരുതി ഏട്ടൻ വിളിച്ചുകൊണ്ട് ഞാൻ ഉള്ളിലേക്ക് കയറി. പക്ഷെ കുറച്ചു സമയ ആയിട്ടും പ്രതികരണം ഒന്നും ഉണ്ടായില്ല

ലിവിങ് റൂമിൽ tv വർക്ക്‌ ചെയ്യുന്നുണ്ട്.

ഉറങ്ങുകയായിരിക്കും എന്ന് കരുതി അടഞ്ഞു കിടന്ന ഏട്ടന്റെ മുറി ഞാൻ തുറന്നു. ആദ്യം കണ്ടത് തൂങ്ങിയാടുന്ന ആ കാലുകൾ ആണ്

എനിക്കെന്നെ തന്നെ നിയന്ത്രിക്കാൻ ആയില്ല, വെട്ടിയിട്ട വാഴ പോലെ ഞാൻ മറിഞ്ഞു വീണു

ബോധം മറയുന്നതിന് മുൻപ് ടിവി യിൽ നിന്നും ആ വാർത്ത ഞാൻ കേട്ടു

“ബഹുമാനപ്പെട്ട പൊതുമരാമത്തു മന്ത്രി ഗോവിന്ദൻ മേനോൻ അന്തരിച്ചു. ഹൃദയ സ്തംഭനം ആണ് മരണ കാരണം… 65 വയസായിരുന്നു…”

ഉറക്കത്തിനിടയിലും ചന്ദ്രയുടെ കണ്ണുകളിൽ നിന്നും കണ്ണുനീർ ഒഴുകിയിറങ്ങി
♦️♦️♦️♦️♦️
ശേഖരന്റെ ബോഡി ഹോസ്പിറ്റലിലേക്ക് കയറ്റിവിട്ടതിനു ശേഷം തിരികെ സ്റ്റേഷനിൽ എത്തിയ ദേവനും മരക്കാരും ചർച്ചയിൽ ആയിരുന്നു

“അപ്പൊ ഒരു സ്ത്രീയാണ് കൊലപാതകി എന്നത് ഏകദേശം നമുക്ക് ഉറപ്പായിരിക്കുന്നു”

എവിടെന്സ് ബോർഡിൽ പിൻ ചെയ്ത് വച്ചിരിക്കുന്ന ശേഖരന്റേയും സത്യന്റേയും ഫോട്ടോയുടെ അടിയിൽ അവരുടെ ഫോട്ടോയിൽ നിന്നും ആരോ മാർക്ക്‌ വരച്ചു അതിന്റെ അവസാനത്തിൽ ഒരു ചോദ്യചിഹ്നം വരച്ച ഒരു സ്ത്രീയുടെ ചിത്രം കൂടി അവർ പിൻ ചെയ്തു , അതിനോട് ചേർന്ന് ചന്ദ്ര എന്ന പേരും എഴുതി ചേർത്തു