ആ രാത്രിയിൽ 5[പ്രൊഫസർ ബ്രോ] 176

“അവൻ ഇപ്പൊ ഇവിടെ ഉണ്ടോ…””ഉണ്ട് സർ… കുറച്ചു മുൻപ് വരുന്നത് കണ്ടു”

“ഹ്മ്മ് ശരി”

അയാൾ ദേവനെ രാജനെയും നോക്കി ബഹുമാനപൂർവ്വം ചിരിച്ചുകൊണ്ട് അയാളുടെ വീട്ടിലേക്കു മടങ്ങി

“വിനായകാ…”

രാജൻ ആ മുറ്റത്ത് നിന്ന് ഉള്ളിലേക്ക് നോക്കി വിളിച്ചു

കുറച്ചു സമയത്തെ കാത്തിരിപ്പിന് ശേഷം ആ വീടിന്റെ മുന്നിലെ കതക് തുറന്നു വന്നു , അസ്ഥികൂടത്തിൽ തുണി ചുറ്റിയ പോലൊരു രൂപം ആണ് വാതിൽ തുറന്നത്

പോലീസ് ഡ്രസ്സ്‌ ഇട്ട രണ്ട് പേര് മുറ്റത്ത് നിൽക്കുന്നത് കണ്ടതും അവളുടെ കുഴിയിൽ ഇറങ്ങിയിരുന്ന കണ്ണുകൾ ഭയത്താൽ പുറത്തേക്ക് ഉന്തി വന്നു

“വിനായകൻ ഇല്ലേ…”

എന്തോ ചോദിക്കാൻ തുടങ്ങിയ രാജനെ തടഞ്ഞുകൊണ്ട് ദേവൻ മുന്നോട്ട് കയറി നിന്ന് അനുകമ്പാ പൂർവ്വം അവളോട് ചോദിച്ചു

“ഉ,.,ഉണ്ട് സർ… വിളിക്കാം”

“ഏതവനാടി അവിടെ…”

അവൾ വിനായകനെ വിളിക്കുവാനായി തിരിഞ്ഞു നടക്കാൻ ഒരുങ്ങിയതും ഉള്ളിൽ നിന്നും ഒരു പുരുഷ ശബ്ദം ഉയർന്നു.

അവൾ ഭയത്തോടെ ദേവനെ നോക്കിക്കൊണ്ട് വീടിന്റെ ഉള്ളിലേക്ക് വേഗത്തിൽ നടന്നു

“വിനുവേട്ടാ ദേ പോലിസ്…”

“ഏതവനായാൽ എനിക്കെന്താ….ഓ നീ വല്ല പരാതിയും കൊടുത്തിട്ട് എനിക്കിട്ട് ഉണ്ടാക്കാൻ വന്നതായിരിക്കും…”

“ഇല്ല വിനുവേട്ടാ… ഞാൻ…ആ…”

അവൾ അത് പറഞ്ഞു മുഴുവൻ അയക്കുന്നതിന് മുൻപ് തന്നെ അവന്റെ കൈ അവളുടെ കവിളിൽ പതിക്കുന്ന ശബ്ദം ദേവനും രാജനും പുറത്ത് കേട്ടിരുന്നു