ആ രാത്രിയിൽ 5[പ്രൊഫസർ ബ്രോ] 176

തല കുടഞ്ഞു വീണ ഇടത്ത് നിന്നും എഴുന്നേറ്റ വിനായകൻ ഒരു ചീറ്റയെപ്പോലെ രാജന്റെ നേരെ കുതിച്ചു , ആ നീക്കം പ്രതീക്ഷിക്കാതെ നിന്ന രാജനു പ്രതികരിക്കാൻ ആകുന്നതിനു മുൻപ് തന്നെ അവന്റെ ചുരുട്ടി പിടിച്ച മുഷ്ടി രാജന്റെ മുഖത്തിന് ലക്ഷ്യമാക്കി നീങ്ങിപക്ഷെ അത്രയും സമയം സൗമ്യനായി നിന്ന ദേവനിൽ നിന്നും അങ്ങനെ ഒരു നീക്കം രാജൻ പോലും പ്രതീക്ഷിച്ചുകാണില്ല, വിനായകന്റെ കൈ ലക്ഷ്യം കാണുന്നതിന് മുൻപ് തന്നെ അവന്റെ വലത്തേ ചെവിടിൽ ദേവന്റെ കൈ ശക്തിയിൽ പതിഞ്ഞിരുന്നു . ദേവന്റെ അടിയുടെ ശക്തിയിൽ അവൻ തലയടിച്ചു വീണത് ആ വീടിന്റെ മുറ്റത്ത് പ്ലാസ്റ്റിക് കവർ വച്ചു മൂടിയിരുന്ന ടു വീലറിന്റെ മുകളിൽ ആയിരുന്നു. അവന്റെ മൂക്കിൽ നിന്നും രക്തം നിലക്കാതെ വന്നു തുടങ്ങി

രാജൻ വിനായകനിൽ നിന്നും നോട്ടം മാറ്റി ദേവനിലേക്കാക്കി , ഇതൊന്നും ഞാൻ ചെയ്തതല്ല എന്ന ഭാവത്തിൽ ചിരിച്ചുകൊണ്ട് നിൽക്കുന്ന ദേവനെ കണ്ടതും രാജന്റെ ചുണ്ടിലും ഒരു പുഞ്ചിരി വിടർന്നു

അയാൾ മുറ്റത്ത് വീണു കിടന്ന് ഞെരങ്ങുന്ന വിനായകനെ അവന്റെ തോളിൽ പിടിച്ചു ഉയർത്തി ആ ടു വീലറിൽ ചാരി നിർത്തി ,

“അയ്യോ… വിനുവേട്ടാ… സാറേ ഒന്നും ചെയ്യല്ലേ…”

മുറ്റത്ത് നിന്നും ശബ്ദം കേട്ട് ഓടിവന്ന അവൾ വിനായകന്റെ അവസ്ഥ കണ്ട് വലിയ വായിൽ കരയാൻ ആരംഭിച്ചു

“എന്റെ കൊച്ചേ… നിനക്ക് വേറെ ഒരുത്തനെയും കിട്ടിയില്ലേ… എന്തിനാ ഇങ്ങനെ തല്ലും വാങ്ങി കിടക്കുന്നത്. എന്തെങ്കിലും ജോലിക്ക് പോയി ജീവിക്കാൻ നോക്ക്…”

രാജൻ അത് പറയുമ്പോഴും അവൾ വിനായകനെ താങ്ങിപ്പിടിക്കുകയായിരുന്നു

“ഇതിനോടൊന്നും പറഞ്ഞിട്ട് കാര്യമില്ല, ഇവന്റെ തല്ലും ചവിട്ടും വാങ്ങി ജീവിക്കാനാ നിന്റെയൊക്കെ യോഗം.. അതെന്തായാലും നിന്റെ തീരുമാനം… ഇപ്പൊ അകത്തേക്ക് പോകാൻ നോക്ക്,ഇവനോട് ഞങ്ങൾക്ക് കുറച്ചു സംസാരിക്കാൻ ഉണ്ട്”