ആ രാത്രിയിൽ 5[പ്രൊഫസർ ബ്രോ] 176

“ഇപ്പൊ തനിക്ക് തോന്നുന്നില്ലേ തനിക്ക് ഈ കേസ് സോൾവ് ചെയ്യാൻ പറ്റും എന്ന്…ജലാൽ വിളിച്ചിരുന്നു അയാളാണ് പറഞ്ഞത് ചന്ദ്രയുടെ ഏട്ടൻ മരിച്ചതല്ല ആത്മഹത്യ ചെയ്തതാണ് എന്ന്, ജലാൽ അന്വേഷിച്ചപ്പോൾ ആണ് ഗോപകുമാറിന്റെ ജൂനിയർ ആയിരിക്കുന്ന സമയത്താണ് ചന്ദ്രനാഥ് മരിച്ചത് എന്ന് അറിയുന്നത്””ശരിയാണ് സർ… എനിക്കിപ്പോ പ്രതീക്ഷക്ക് വകയുണ്ടെന്ന് തോന്നുന്നു.”

“താൻ പോയ കാര്യം എന്തായി, അയാളുടെ കൂടെയുണ്ടായിരുന്ന ആരെയെങ്കിലും കിട്ടിയോ…”

“ഇല്ല സർ… ഞാൻ അയാളുടെ കാൾ ഡീറ്റെയിൽസ് സങ്കടിപ്പിക്കുകയായിയുന്നു, അവിടെനിന്നും ശേഖരന്റെ സ്ഥിരം താവളത്തിലേക്ക് പോകാൻ തിടങ്ങിയപ്പോൾ ആണ് സാറിന്റെ കാൾ വന്നത്…”

“ആ പിന്നെ വേറൊരു കാര്യം ഉണ്ട്, കമ്മീഷ്ണർ വിളിച്ചിരുന്നു ജീവന്റെ കേസിന്റെ പുരോഗതി അറിയാൻ,പിന്നെ ശേഖരന്റെ കൊലയാളിയെ ഉടനെ പിടിക്കണം എന്ന് പറയാനും… അയാൾക്ക് എന്താണ് ഈ കേസിൽ ഇത്ര താല്പര്യം എന്നാണ് അറിയാത്തത്… എന്തോ ഒന്ന് ചീഞ്ഞു നാറുന്നുണ്ട് അതുകൊണ്ട് നമ്മുടെ അന്വേഷണത്തിന്റെ വിശദാശംങ്ങൾ ഞാനും താനും ജലാലും പിന്നെ തന്റെ രാജേട്ടനും അല്ലാതെ മറ്റാരും അറിയരുത്…”

“ഓക്കേ സർ… പിന്നെ നമ്മുടെ സിറ്റിയിൽ ഓട്ടോ ഓടിക്കുന്ന സ്ത്രീകളുടെ ലിസ്റ്റ് സങ്കടിപ്പിക്കാൻ ഞാൻ രാജേട്ടനോട് പറഞ്ഞിരുന്നു, അത് കിട്ടിയിട്ടുണ്ട്. എന്തെങ്കിലും ഗുണം ഉണ്ടാകും എന്ന് തോന്നുന്നില്ല എന്നാലും നമുക്കൊന്ന് ശ്രമിച്ചു നോക്കാം… പിന്നെ ചന്ദ്ര തന്ന പാസ്സ്പോർട്ടിന്റെ ഡീറ്റെയിൽസ് വച്ച് അന്വേഷിച്ചപ്പോൾ അറിഞ്ഞത് അവൾ പറഞ്ഞത് പോലെ തന്നെ അവൾ അന്ന് കാനഡക്ക് പോയതിന് ശേഷം വേറെ എങ്ങും പോയിട്ടില്ല എന്ന് തന്നെയാണ്…”

“എന്താടോ ഇത്… ഒരു ഭാഗത്തു നിന്ന് കുരുക്കുകൾ അഴിക്കുമ്പോൾ അടുത്ത ഭാഗത്തു മുറുകുകയാണോ… എന്തായാലും നമ്മുടെ അന്വേഷണത്തിന്റെ ഗതി മാറ്റണ്ട ഇങ്ങനെ തന്നെ പോട്ടെ… എന്തെങ്കിലും കിട്ടും എന്നെന്റെ മനസ്സ് പറയുന്നു”

“ശരി സർ, എന്നാൽ ഞാൻ പോയി ശേഖരന്റെ കൂടെയുള്ള ആരെയെങ്കിലും കിട്ടുമോ എന്ന് നോക്കട്ടെ… ഇത് സർ ഒന്ന് നോക്ക്”