ആ രാത്രിയിൽ 5[പ്രൊഫസർ ബ്രോ] 176

വീണ്ടും വിനായകന്റെ കവിളിൽ തടവിക്കൊണ്ട് കണ്ണീർ പൊഴിക്കുന്ന അവളെ കണ്ടതും രാജന് ദേഷ്യം അണ പൊട്ടി. രാജന്റെ ദേഷ്യം കണ്ട അവൾ ഭയന്ന് പിന്നോക്കം മാറി”അകത്തു കേറിപ്പോ… ഇവൻ വന്നോളും…”

ഉള്ളിലേക്ക് പോകാൻ മടിച്ചുകൊണ്ടും എന്നാൽ രാജനെ ഭയന്നുകൊണ്ടും നിൽക്കുന്ന അവളെ ദേവൻ അനുനയിപ്പിച്ച് ഉള്ളിലേക്ക് വിട്ടു

“ടാ… ഇനി ഞങ്ങൾ ചോദിക്കുന്നതിനൊക്കെ മണി മണി പോലെ ഉത്തരം പറഞ്ഞോണം”

“ഹ്മ്മ്…”

അവൻ വേദനയാൽ ഞെരങ്ങിക്കൊണ്ട് ഒന്ന് മൂളി, അവൻ ഒന്ന് അനങ്ങി ഇരുന്നപ്പോൾ ആ വണ്ടി മൂടിയിട്ടിരുന്ന പ്ലാസ്റ്റിക് കവർ ഇളകി വീണു

വിനായകനോട് എന്തോ ചോദിക്കാൻ വന്ന ദേവന്റെ കണ്ണുകൾ ആ നമ്പർ പ്ലേറ്റിൽ ഉടക്കി, ഒന്നുകൂടി സൂക്ഷിച്ചു നമ്പർ നോക്കിയ ദേവൻ വിനായകനെ നോക്കി ചിരിച്ചു

“നന്ദി വിനായകാ, അറിയാതെ ആണെങ്കിലും നീ എനിക്കൊരു ഉപകാരമാണ് ചെയ്തത്… രാജേട്ടാ ഇവനെ നമ്മുടെ വണ്ടിയുടെ പിന്നിലേക്ക് കയറ്റി കഫ് ചെയ്തേക്ക് എന്നിട്ട് സ്റ്റേഷനിലേക്ക് പൊയ്ക്കോ, ഞാൻ ഈ വണ്ടിയുമായി വന്നേക്കാം”

♦️♦️♦️♦️♦️

ഡോക്ടർ ഗോപകുമാർ വധക്കേസ് അന്വേഷിച്ച ഉദോഗസ്ഥനെ കാണാനും ആ കേസിന്റെ വിവരങ്ങൾ ആരായാനുമായി കാക്കനാട് സ്റ്റേഷനിലേക്ക് എത്തിയതായിരുന്നു സി ഐ മരക്കാർ ,

“ഇത് ചെയ്തത് ഒരു സ്ത്രീയാണെന്ന് നിങ്ങൾക്ക് സംശയം തോന്നാൻ കാരണം…”

“സംശയം അല്ല സർ ,ഉറപ്പാണ്…”

“എന്തുകൊണ്ട്…”

“സി സി ടി വി”

“വാട്ട്‌…!!!!! നിങ്ങൾക്ക് കൊലയാളിയുടെ ദൃശ്യം കിട്ടിയെന്നോ…”

തുടരും…