ആ രാത്രിയിൽ 5[പ്രൊഫസർ ബ്രോ] 176

“പെണ്ണെ… എഴുന്നേൽക്കുന്നുണ്ടോ… നിന്നെ കോളേജിൽ ആക്കിയിട്ടു വേണം എനിക്കും പോകാൻ…”അച്ഛനെയും അമ്മയെയും ഒരു അപകടത്തിൽ നഷ്ടപ്പെട്ട ഞങ്ങൾക്ക് വേറെ ആരും ഉണ്ടായിരുന്നില്ല. അവർ മരിക്കുമ്പോൾ ഏട്ടൻ അവസാനവർഷ എം.ബി.ബി.എസ് കഴിഞ്ഞ് എം.ഡി ചെയ്തുകൊണ്ടിരിക്കുകയായിരുന്നു അന്ന് മുതൽ ഏട്ടൻ ആണ് എനിക്ക് അച്ഛനും അമ്മയും എല്ലാം

“എഴുന്നേൽക്കുന്നുണ്ടോ അതോ ഞാൻ വെള്ളം ഒഴിക്കണോ”

ആ ഭീഷണിയിൽ ഞാൻ മുഖത്തു നിന്നും പുതപ്പ് മാറ്റി, കയ്യിൽ ഒരു കപ്പ്‌ വെള്ളവുമായി ആയിരുന്നു ഏട്ടന്റെ നിൽപ്പ് ആപ്പ് തന്നെ ഞാൻ കട്ടിലിൽ നിന്നും എഴുന്നേറ്റു

“ദുഷ്ടൻ…”

ഏട്ടനെ നോക്കി കൊഞ്ഞനം കുത്തിക്കൊണ്ട് ഞാൻ ബാത്റൂമിലേക്ക് നടന്നപ്പോൾ എന്നെ നോക്കിചിരിച്ചുകൊണ്ട് ഏട്ടനും തിരികെ പുറത്തേക്ക് നടന്നു

ഞാൻ കുളിച്ചു റെഡി ആയി വന്നപ്പോഴേക്കും ഡൈനിങ്ങ് ടേബിളിൽ ദോശയും ചമ്മന്തിയും നിരന്നിരുന്നു , പക്ഷെ അവിടെയെങ്ങും ഏട്ടനെ മാത്രം കണ്ടില്ല

“ഏട്ടാ…”

“ദാ വരുവാടി പെണ്ണെ…”

ഏട്ടൻ മുറി തുറന്ന് പുറത്തേക്ക് വന്നു,ടക്ക് ഇൻ ചെയ്തിരിക്കുന്ന ഷർട്ടിന്റെ കൈകൾ റിസ്റ്റിൽ ബട്ടൺ ചെയ്തിരിക്കുന്നു. ഇടത് കയ്യുടെ മടക്കിൽ വെള്ള കോട്ട് മടക്കിയിട്ടിരിക്കുന്നു, വലത് കൈ അപ്പോഴും ടൈ നേരെയാക്കിക്കൊണ്ടിരിക്കുകയായിരുന്നു

“ഏട്ടൻ ഇതെന്താ ഈ കാണിക്കുന്നത്… ഇങ്ങോട്ട് വാ ഞാൻ ശരിയാക്കി തരാം…”

ഏട്ടന്റെ കൈ വിടുവിച്ചു ഞാൻ തന്നെ ടൈ ശരിയാക്കി കൊടുത്തു.

“ഇപ്പൊ എന്റെ ഏട്ടൻ ചുള്ളൻ ആയി… ഒരു സ്റ്റെതെസ്കോപ്പും കൂടി ഉണ്ടായിരുന്നെങ്കിൽ പൊളിച്ചേനെ…”