അപരാജിതൻ -38 5341

രണ്ടു ദിവസം കഴിഞ്ഞ്

ചൊവ്വാഴ്‌ച  വൈകുന്നേരം

മനു വീട്ടിൽ നിന്നും പുറപ്പെട്ടു .ട്രെയിനിൽ ആയിരുന്നു യാത്ര പോയത് .

പോകും മുൻപ് ക്ഷേത്ര ദർശനമൊക്കെ നടത്തിയിരുന്നു.

ബാലുവിൻറെ പേരിലും വഴിപാടുകൾ നടത്തി.

 

പിറ്റേന്ന് ഉച്ചയോടെ  മനു ഈസ്റ്റ് ജങ്ഷൻ സ്റ്റേഷനിൽ എത്തി.

അവിടെ നിന്നും ലോക്കൽ ട്രെയിൻ കൈലാഷ്പുരി റെയിൽവേ സ്റ്റേഷനിലേക്കുണ്ട്.

അരമണിക്കൂർ കഴിഞ്ഞപ്പോൾ കൈലാഷ്പുരിയിലേക്കുള്ള ലോക്കൽ ട്രെയിൻ വന്നു.

മനു അതിൽ കയറിയിരുന്നു.

ട്രെയിൻ മെല്ലെ നീങ്ങി തുടങ്ങി.

ഒരു മണിക്കൂർ കൊണ്ട് അവൻ കൈലാഷ്പുരിയിലെത്തി ചേർന്നു.

ബാലുച്ചേട്ടൻ തന്നെ മരണത്തിൽ നിന്നും രക്ഷിച്ച സ്ഥലം.

അവനവിടെ നിന്നും ഇറങ്ങി.

നടക്കും വഴി ഡോക്ടർ ബൊമ്മലു നായിഡുവിനെ കണ്ടയിടത്ത് എത്തി.

ഒരു പുഞ്ചിരിയോടെ അവൻ പുറത്തേക്ക് നടന്നു.

വല്ലാത്തൊരു കാറ്റായിരുന്നു അന്നേരം.

ദേഹം കുളിർപ്പിക്കുന്ന കാറ്റ്

ആ കാറ്റിൽ അവന്റെ പാറി പറന്ന മുടിയവൻ കോതിയിതുക്കി.

സമയം രണ്ടര മണി ആയിട്ടുണ്ട്

നല്ലപോലെ വിശക്കുന്നുമുണ്ട്

അവൻ പുറത്തേക്കിറങ്ങി അല്പം നടന്ന് ഒരു ദാബ കടയിൽ എത്തി

അവിടെ കയറി നാനും പനീറും കഴിച്ചു

വിശപ്പടക്കിയതിനു ശേഷം അവിടെ നിന്നും പുറത്തേക്ക് നടന്നു.

സർക്കാർ ബസ് സ്റ്റാൻഡ് അവിടെ സമീപമുണ്ടായിരുന്നു.

അവൻ അങ്ങോട്ടേക്ക് ചെന്ന് ദണ്ഡുപാളയം പോകുന്ന ഒരു പച്ച ബസിൽ കയറി

ടിക്കറ്റ് എടുത്തു

നിരവധി സഞ്ചാരികളും അതിലുണ്ടായിരുന്നു

പത്തു മിനിറ്റ് കഴിഞ്ഞപ്പോൾ ഡ്രൈവർ വണ്ടിയിൽ കയറി സ്റ്റാർട്ട് ചെയ്തു

വണ്ടി സ്റ്റാൻഡിനു പുറത്തേക്ക് നീങ്ങി.

അവിടെ നിന്നും നേരെ ദണ്ഡുപാലയത്തിലേക്ക്.

 

ഒരു മണിക്കൂർ സമയം എടുത്തു മലയും കുന്നും കയറി ബസ് ദണ്ഡുപാളയത്ത്  ബസ്റ്റാന്റിൽ എത്തിചേർന്നു.

ഇറങ്ങാനുള്ളവർ എല്ലാവരും ഇറങ്ങി

മനു തന്റെ ബാഗും കൊണ്ട് പുറത്തേക്ക് നടന്നു

പോകും വഴിയാണ് അവനു സമീപമുള്ള അറിവഴകൻ കോവിലിനെ ഓർമ്മ വന്നത്.

അവൻ അങ്ങോട്ടേക്ക് നടന്നു

അവിടെ ഉള്ളിൽ കയറി തൊഴുതു പ്രാർത്ഥിച്ചു.

അവിടെ നിന്നും ഒരു ഓട്ടോ പിടിച്ചു സ്ഥിരം നിൽക്കാറുണ്ടായിരുന്ന ഹോട്ടലിലേക്ക് യാത്ര തിരിച്ചു.