അപരാജിതൻ 23[Harshan] 13408

അന്നുച്ചയോടെ അവിടത്തെ ജോലികൾ അവസാനഘട്ടത്തിലേക്ക് എത്തിക്കൊണ്ടിരുന്നു

മട്ടുപ്പാവിൽ നിന്നുകൊണ്ട് പാർവ്വതി ജോലിക്കാർ ചെയുന്നതൊക്കെ നോക്കി നില്കുകയായിരുന്നു

അപ്പോളാണ് പിന്നിലൂടെ ഇന്ദുലേഖ അവളുടെ  സമീപം ചെന്നത്

“എന്താ പൊന്നൂ ,,,ഇവിടെ നിൽക്കുന്നെ ?”

“ഒന്നൂല്ല ഇന്ദൂട്ടി , ഈ ജോലിക്കാർ എന്താ മുഖവും തലയുമൊക്കെ മൂടി ജോലി എടുക്കുന്നത് ?”

“ഇവരാണ് ശിവശൈലത്തെ ഗ്രാമീണർ ,,,,”

“പെട്ടെന്നവൾക്ക് ശിവശൈലത്തെ കുറിച്ച് അറിഞ്ഞതൊക്കെയോർമ്മ വന്നു

“,അയ്യോ ,ഇവരാണോ ,,അടിമകൾ എന്ന് പറയപ്പെടുന്നത് ”

“അതെ ,,,അത് തന്നെ ,,,”

“അയ്യോ ,,പാവങ്ങൾ ,,,”

അവരവിടെ നിന്നു സംസാരിക്കുമ്പോളാണ് ഭുവനേശ്വരി ദേവി അവരുടെ സമീപത്തേക്ക് വന്നത്

“അയ്യോ ,,മുത്തശ്ശി വരുന്നു ” എന്ന് പറഞ്ഞുകൊണ്ട് ഇന്ദുലേഖ അറിയിപ്പ് കൊടുത്തു

പാറു മുഖം തിരിച്ചു നോക്കി

“എന്താ മക്കൾ ഇവിട നിൽക്കുന്നെ ?”

“ഒന്നൂല്ല മുത്തശ്ശി ,,,ഞാൻ ഈ പാവങ്ങളെ കുറിച്ച് ചോദിക്കായിരുന്നു ,,”

“ആരെ കുറിച്ച് ?” ഭുവനേശ്വരി ദേവി ചോദിച്ചു

“ശിവശൈലത്തെ ആളുകൾ ” പാറു മറുപടി പറഞ്ഞു

“അവരോ ,,,നശൂലങ്ങൾ ,,ചണ്ഡാലന്മാർ ,,തീണ്ടാപ്പാട് അകലെ നിർത്തേണ്ടവർ ,,,അവരാണോ പാവങ്ങൾ പാറു ”

“അല്ല ,മുത്തശ്ശി ,,,,അതിനും മാത്രം എന്തെങ്കിലും കുറ്റം അവർ ചെയ്തോ ,,,ഇങ്ങനെയൊക്കെ പറയുവാൻ ,,”

പാർവതി ചോദിച്ചു

“മോളെ ,,, നിനക്കറിയില്ല ,, അവർ തൊട്ടുകൂടാൻ പാടില്ലാത്ത നീചജന്മങ്ങളാണ് ,, ചണ്ഡാലന്മാർ ,,അതുകൊണ്ടല്ലേ അവർ ആ ശ്മാശാനവാസിയെ ആരാധിക്കുന്നത്,, നമ്മൾ ഉന്നത കുല ജാതർ ആണ് , മനുഷ്യനെ നാലായി മാത്രമെ തിരിച്ചിട്ടുള്ളു ,, ബ്രാഹ്മണർ , ക്ഷത്രിയ൪ , വൈശ്യൻ , ശൂദ്രൻ , പ്രാമാണിക ഗ്രന്ഥങ്ങൾ പറയുന്നതനുസരിച്ച് നാരായണന്‍റെ ശിരസിൽ നിന്നുത്ഭവിച്ചവർ ആണ് ബ്രാഹ്മണർ , കരങ്ങളിൽ നിന്നും ക്ഷത്രിയർ ,,അതായതു നമ്മൾ , തുടകളിൽ നിന്നും വൈശ്യർ , പാദങ്ങളിൽ നിന്നും ശൂദ്രർ , മനുഷ്യരിൽ ഇതുപോലെ നാല് വർണ്ണ വ്യവസ്ഥകളെ ഉള്ളൂ ,, അതിൽ പെടാത്തവർ വെറും അധമർ ആണ് , അവരെ തൊടുന്നത് കാണുന്നത് പോലും പാപം ,,, അങ്ങനെയുള്ള നീചഗണമാണ് ശിവശൈലത്തെ നായ്ക്കൾ ”

“അവർ പറയുന്നത് ഒരു തരത്തിലും ഉൾക്കൊള്ളുവാൻ പാർവ്വതിക്കായില്ല ,,”

“ആത്മാവ് എന്ന സത്യം ഒന്നല്ലേ മുത്തശ്ശി ,,ഉള്ളൂ ,,, അതിനുണ്ടോ ജാതിഭേദങ്ങൾ ” പാർവ്വതി ചോദിച്ചു

 

“ഈ നീചഗണങ്ങൾക്ക് ആത്മാവുപോലുമില്ല ,,മോളെ ,, ഇവർ എന്നും ഭരിക്കപ്പെവേണ്ടവർ ആണ് , ഇവരെ എന്നും അടിമകളാക്കി നിലനിർത്തേണ്ടവരാണ് ,,,,  ഇവർ ഭൂമിയിൽ സൃഷ്ടിക്കപ്പെട്ടത് പോലും ഈ നാല് വർണ്ണങ്ങൾക്കും പാദസേവ ചെയ്യുവാൻ മാത്രമാണ് ,, ഇവരുടെ ജീവൻ എടുക്കുന്നതുപോലും പുണ്യമാണ് ,,”

പാർവ്വതി ഇതെല്ലാം കേട്ട് ചെവി പൊത്തി  ഇന്ദുവിനെ നോക്കി

അവളൊന്നും പറഞ്ഞില്ല

“കണ്ടില്ലേ ,,മോളെ ,, അവർ മുഖം മറച്ചിരിക്കുന്നത് പോലും അവരുടെ മുഖം കാണുന്ന പാപം  നമ്മളിൽ ഉണ്ടാകാതിരിക്കാൻ വേണ്ടിയാണ് ,,,” അഭിമാനത്തോടെ ഭുവനേശ്വരി ദേവി പറഞ്ഞു

പാർവതി അവിടെ ജോലി എടുത്തു കൊണ്ടിരിക്കുന്നവരെ നോക്കി , ആദി അന്നേരം ആ വശത്തുണ്ടായിരുന്നില്ല , ആ സാധുക്കളെ കണ്ടപ്പോൾ അവർക്കു മനോവേദന മാത്രമാണുണ്ടായത്

അന്നേരം , രംഗനാഥൻ വന്നു വിളിച്ചത് കൊണ്ട് ഭുവനേശ്വരി ദേവി അവിടെ നിന്നും തിരിച്ചു

“മുത്തശ്ശിക്ക് ഇത്രയ്ക്കും ഭ്രാന്തമായ ജാതിചിന്തകൾ ആണോ ,,ഇന്ദൂട്ടി ”

“പിന്നില്ലേ ,,,,കേട്ടില്ലേ ഇത്രയും പറഞ്ഞത് ,,”

അവർ ഇരുവരും താഴേക്കിറങ്ങി

 

പുറത്തു പറമ്പിന്‍റെ മൂലയിൽ അന്നേരം പളനി ചേട്ടൻ കുറച്ചു ചെറുകുഴികളുണ്ടാക്കിയിരുന്നു

എന്നിട്ടു എല്ലാവരെയും പോയി വിളിച്ചു കൊണ്ട് വന്നു

ആദിയടക്കമുളള ഗ്രാമീണർ അവിടേക്ക് എത്തിച്ചേർന്നു

“ഇതെന്താ ഈ കുഴികൾ ?” ആദി ചോദിച്ചു

ഒരാൾ മിണ്ടല്ലേ എന്ന് ആംഗ്യം കാണിച്ചു

പളനി കുറെ വലിയ വട്ടകുമ്പളയിലകൾ കൊണ്ട് വന്നു

എല്ലാര്ക്കും കൊടുത്തു

അവരതു ആ കുഴിയിൽ വെച്ചു

ആദിയുടെ കുഴിയിൽ പളനി തന്നെ വെച്ച് കൊടുത്തു

എല്ലാരും കുഴിയുടെ പിന്നിലായി ഇരുന്നു

ആദിക്കപ്പോഴും മനസിലായില്ല , ഇതെന്താ സംഭവമെന്ന് മാത്രം

അപ്പോളേക്കും , വേലക്കാരി ഒരു വലിയ പാത്രത്തിൽ ഭക്ഷണം കൊണ്ടുവന്നു

കുഴിയിൽ ഇലവിരിച്ചിരിക്കുന്നതിൽ ചോറ് വിളമ്പി

പുറകെ വന്ന മറ്റൊരു വേലക്കാരി സാമ്പാറും അച്ചാറും വിളമ്പി കൊടുത്തു

അതുകൂടി കണ്ടപ്പോളാണ് ആദിക്ക് കാര്യം മനസിലായത്

മുറ്റത്തു കുഴികുഴിച്ചു അതിൽ ഭക്ഷണം വിളമ്പുന്ന മാടമ്പി സവർണ്ണ മേധാവിത്വം

 

ആദി എല്ലാവരെയും നോക്കി

ഒരു പരാതിയുമില്ലാതെ എല്ലാവരും വിശപ്പടക്കുവാൻ ഭക്ഷണ൦ കഴിച്ചു തുടങ്ങാൻ പോകുന്നു

 

“അരുത് ,,,നിങ്ങളിത് കഴിക്കരുത് ,,,,,,,,” ആദി എല്ലാരും കേൾക്കെ പറഞ്ഞു

എല്ലാരും അവനെ നോക്കി ചിരിച്ചു

എന്നിട്ടു വായ വരുന്ന ഭാഗം മാത്രം തോർത്ത് നീക്കി ആ വിളമ്പിയ കുഴിയിൽ നിന്നും ഭക്ഷണമെടുത്ത് കഴിക്കുവാൻ തുടങ്ങി

ആദി കഴിക്കാതെ ഇരുന്നു

അത് കണ്ടു പളനി പറഞ്ഞു

“അറിവഴകാ ,,ഞങ്ങളുടെ ജീവിതം പഠിക്കുവാനല്ലേ നീ വന്നത് ,,ഇതും ഒരു ഭാഗമാണ് ,, സാധിക്കുമെങ്കിൽ ഈ കഴിക്കൂ ,, അന്നമാണ് ,,അത് പാഴാക്കാൻ പാടില്ല ,, ”

ആ വാക്കുകൾ അവന്‍റെ ഹൃദയത്തെ നീറിപ്പിച്ചു

അന്നമാണ് പാഴാക്കാൻ പാടില്ല

താനൊരുനാൾ അന്നം കിട്ടാതെ വലഞ്ഞിട്ടുണ്ട് , അഴുക്ക് ബക്കറ്റിൽ നിന്നും അന്നം വാരികഴിച്ചിട്ടുണ്ട്

പിന്നെയാവാനൊന്നും നോക്കിയില്ല

ഇല വിരിച്ച കുഴിയിൽ നിന്നും ആ ഭക്ഷണം എടുത്തു കഴിച്ചു കൊണ്ടിരുന്നു

അന്നേരമവന്റെയുള്ളിൽ നിറഞ്ഞത് അമർഷം മാത്രമായിരുന്നു

 

“അയ്യോ ,,,ഇതെന്താ ഈ കാണുന്നത് ,,,?” ഉറക്കെയുള്ള ശബ്ദംകേട്ട് എല്ലാവരും മുഖമുയർത്തി നോക്കി

പാർവ്വതിയായിരുന്നു

“അമ്മെ ,,,,,,,,,,,’അവളുറക്കെ മാലിനിയെ വിളിച്ചു

അതുകേട്ടു മാലിനിയും മല്ലികയും ഓടിവന്നു

കൂടെ മാമിമാരും

Pages 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41