അപരാജിതൻ 23[Harshan] 13395

പോകും വഴി

ശാംഭവി നദിയുടെ ഓരത്തൂടെ പോകുമ്പോൾ

പെട്ടെന്നവൻ ഒരു കാഴ്‌ച കണ്ടു ജീപ്പ് സ്റ്റോപ്പ് ചെയ്തു

അപ്പോൾ നാഗമണി ഒന്ന് പ്രകാശിച്ചു തുടങ്ങി

ജീപ്പിനു മുന്നിലായി വെളുത്ത ഭീമാകാരനായ ഒരു കാള

ആ കാളയുടെ വലുപ്പം കണ്ടാൽ തന്നെ ഭയമാകും

മുന്പവൻ കൊമ്പു കുത്തിച്ച മാണിക്യനെക്കാളും ഇരട്ടി വലുപ്പവും ഉയരവും

 

അവൻ വേഗം ജീപ്പിൽ നിന്നും ചാടിയിറങ്ങി

ആ കാള പക്ഷെ തികച്ചും ശാന്തനായിരുന്നു

അവനു പെട്ടെന്ന് സ്വപ്നത്തിൽ കണ്ട കാളയെ ഓർമ്മ വന്നു

അതുപോലെ , ശിവാനിയെ രക്ഷിച്ചതായി പറഞ്ഞു കേട്ട നന്ദികേശ്വരനും

അവന്‍റെ കൈയിലിരുന്ന നാഗമണി വിറയ്ക്കുവാൻ തുടങ്ങി

 

കാള തിരിഞ്ഞു നടന്നു

നടന്നു പോകുന്ന കാളയ്ക്കു പിന്നിലായി ആദിയും നടന്നു

കാള ലക്‌ഷ്യം വെച്ച് നടക്കുന്നത് ശാംഭവി നദിയിലേക്കു തന്നെയായിരുന്നു

നടന്നു നടന്നു കാള ശാംഭാവിയിലേക്ക് ഇറങ്ങി

കാളയ്ക്കു പുറകെ കൈയിൽ നാഗമണിയും പിടിച്ചു കൊണ്ട് ആദിയും

 

ശാംഭവി ശാന്തമായി ഒഴുകുകയായിരുന്നു

ആ കാള വെള്ളത്തിലൂടെ നടന്നു ഒടുവിൽ ശാംഭവിയിൽ അപ്രത്യക്ഷമായി.

കാള പോയ വഴിയേ തന്നെ ശ്വാസമെടുത്തുകൊണ്ട് ആദിയും മുങ്ങി

ശാംഭവിയുടെ ആഴങ്ങളിലേക്ക് അവൻ നീന്തിക്കൊണ്ടിരുന്നു

ആഴങ്ങളിലേക്ക് പോകുംതോറൂം മുകളിൽ നിന്നുമുള്ള നിലാവെളിച്ചം കിട്ടാതെയായി

അന്നേരം ആദിയുടെ കൈയിലിരുന്ന നാഗമണി മെല്ലെ നീലനിറത്തിൽ പ്രകാശിച്ചു കൊണ്ടിരുന്നു

ആ പ്രകാശം അവനു ആഴങ്ങളിലേക്ക് പോകാനുള്ള ഗതിയൊരുക്കി

ഒരു ഇരുത്തം വന്ന ഡൈവർ നെ പോലെ അവൻ കാലുകൾ ചലിപ്പിച്ചു ആഴങ്ങളിലേക്ക് പോയിക്കൊണ്ടിരുന്നു

ശ്വാസകോശത്തിൽ നിറച്ചു പിടിച്ചിരുന്ന വായുവിന്‍റെ സഹായത്താൽ അവൻ കുറച്ചൂടെ ആഴങ്ങളിലേക്ക് പോയി

പെട്ടെന്നാണ് അത് സംഭവിച്ചത് നാഗമണി ഉജ്ജ്വലമായ പ്രകാശം പുറപ്പെടുവിച്ചു കൊണ്ട്  അവനെയും വലിച്ചു കൊണ്ട് കൂടുതൽ ആഴത്തിലേക്ക് കുതിച്ചത്

അവൻ  ഇരു കൈകളും കൂട്ടിപിടിച്ചു

കാലുകളും കൂട്ടിപ്പിടിച്ചു

താഴേക്ക് പോകുംതോറും  ജലമർദ്ധം കൂടി കൊണ്ട് വന്നു തുടങ്ങിയിരുന്നു

ശ്വാസംമുട്ടുന്നപോലെ അനുഭവപ്പെട്ടു തുടങ്ങി

അത് മനസിലാക്കിയിട്ടെന്ന പോലെ നാഗമണി മുകളിലേക്ക് ദിശമാറ്റി

റോക്കറ്റു പോകുന്ന വേഗതയിൽ അവൻ മുകളിലേക്ക് ജലത്തിലൂടെ പാഞ്ഞു

ജലോപരിതലത്തിലെത്തി

അപ്പോളാണ് മനസിലായത് ശാംഭവിയുടെ ആഴമുള്ള മധ്യഭാഗത്താണ് താനിപ്പോളെന്നു

അവൻ വീണ്ടും വായു ഉള്ളിലേക്കെടുത്തു ശ്വാസകോശം പൂർണ്ണമായും നിറച്ചു

ജലത്തിലേക്ക് താഴ്ന്നു

അവിടെയും നാഗമണി അവനെ സഹായിക്കുവാനുണ്ടായി

അതിവേഗം റോക്കറ്റ് പോകുന്നപോലെ അവൻ ശാംഭവിയുടെ അടിത്തട്ടിലേക്കെത്തി കൊണ്ടിരുന്നു

ജലമർദ്ധം ശരീരത്തെ അമർത്തി ഞെരിക്കുന്നപോലെ അവനനുഭവപ്പെട്ടു  ദേഹം നല്ലപോലെ വേദനയും എടുത്തു തുടങ്ങി

അവൻ താഴേക്ക് നോക്കി

വലിയ ഉരുണ്ട പാറകൾ നിറഞ്ഞ പാറക്കെട്ടുകൾ

നാഗമണി അത്യുഗ്രമായ പ്രകാശത്തോടെ ജ്വലിച്ചു

അതോടെ നദിയുടെ അടിത്തട്ട് മൊത്തം നീലനിറത്തിലെ പ്രകാശം നിറഞ്ഞു

അവൻ മുകളിൽ നിന്നുമാ കാഴ്ച കണ്ടു ഞെട്ടിത്തരിച്ചു

അവിശ്വസനീയമായ ആ കാഴ്‌ച അവനെ ഒരേ സമയം അത്ഭുതപ്പെടുത്തുകയും

അതുകൂടാതെ മുന്‍പൊരിക്കല്‍ ലക്ഷ്മിയമ്മ അവനെ ശ്വാസം മുട്ടിക്കുന്നതായി കണ്ട സ്വപ്നവും… പുലര്‍ച്ചെ കണ്ട കരകവിഞ്ഞൊഴുകിയ ശാ൦ഭവിയില്‍ ശ്വാസം കിട്ടാതെ  മുങ്ങി താണ്പോയ സ്വപ്നവുമെല്ലാം അവന്റെ മനസ്സിലേക്ക് ഓടിയെത്തുകയും ചെയ്തു

എന്താണ് എല്ലാത്തിന്‍റെയും  കാരണം എന്നുള്ള അവന്‍റെ അന്തരംഗത്തിലെ ചോദ്യത്തിന് ഉത്തരം നല്‍കുന്ന ദൃശ്യമായിരുന്നു ശാംഭവിയുടെ ആഴങ്ങളിലവന്‍ കണ്ടതും,,,

അത്രിയെന്നതില്‍ ഒരു പൊരുളുകൂടെയായ നാഗമണിയുടെ ദിവ്യചൈതന്യത്തില്‍

ശങ്കരന്‍ കണ്ടത് ,,,,

 

**************************************

*******************************

************************

***************

**********

****

*

*

*

*

*

ദേവി പാര്‍വ്വതി നദിയായൊഴുകുന്ന,

ശാംഭവിയുടെ ആഴങ്ങളിലെ

മഹാ അന്ധകാരത്തില്‍

പാറക്കൂട്ടങ്ങള്‍ക്ക് മേലെ

മുങ്ങി കിടക്കുന്ന

ഭീമാകാരമായ

ത്രിശൂലധാരിയായ

മഹാരുദ്രന്‍റെ

കൃഷ്ണശിലാവിഗ്രഹത്തെയായിരുന്നു  

 

 

 

 

(തുടരും)

 

Credits (photoshop)

Shri Shashi Pallath,palakkad