അപരാജിതൻ 23[Harshan] 13408

അന്ന് സന്ധ്യ കഴിഞ്ഞ് ശിവശൈലത്ത്

 

ആദിയുടെ മൺവീട്ടിൽ

കസ്തൂരിയും ശങ്കരനും ശംഭുവും ശൈലജയും ഒക്കെ ആദിയുടെ ഒപ്പമുണ്ട്

ആദി തിണ്ണയിൽ പായവിരിച്ചു കമഴ്ന്നു കിടക്കുകയാണ്

കസ്തൂരി വെള്ളം ചൂട് പിടിച്ചുവെക്കുകയാണ് ആദിയുടെ പുറത്തും ചുമലിലും

“അനിയനല്ലായിരുന്നോ അടിമവേലയ്ക്കു പോകാൻ ,മോഹം ,,ഇപ്പോ എന്തായി ,,കണ്ടില്ലേ തൂണ് ചുമന്നു നീര് വെച്ചു ”

കസ്തൂരി ശാസനയോടെ   അവനോടു പറഞ്ഞു

“അല്ല ,,,ചേച്ചി ,,അതൊരു ജിജ്ഞാസ കൂടിയപ്പോ ”

“ഈ അപ്പുവേട്ടന് വെറുതെയിരിക്കുമ്പോ ജിജ്ഞാസ വല്ലാതെ കൂടുമല്ലേ? ”

ശങ്കരൻ ചോദിച്ചു

ആദി,  ശങ്കരനെ ഒന്ന് കണ്ണുരുട്ടി നോക്കി

“കണ്ണുരുട്ടണ്ട ,,,ഞാൻ ഒന്നും പറഞ്ഞില്ല അപ്പുവേട്ടാ ,,”

അവനൊരു കള്ളച്ചിരി ചിരിചു കൊണ്ട് പറഞ്ഞു

“എടാ ,,ശംഭു ,,,നീയിവനെ പിടിച്ചു കൊണ്ടൊന്നു പോകോ ,,,”

ആദി ഗത്യന്തരമില്ലാതെ ശംഭുവിനോട് പറഞ്ഞു

“അപ്പുവേട്ടാ ,,എന്‍റെ മനസ്സിൽ തോന്നിയതാ ,ശങ്കരൻ പറഞ്ഞത് ,,,”

“പിള്ളേരെ ,,,നിങ്ങള് തല്ലു കൂടാതെ ” കസ്തൂരി ദേഷ്യപ്പെട്ടു

 

“അയ്യോ ,,,,,,,,,,,,,,,,,,” എന്നുറക്കെ ആദി അലറി

“,പയ്യെ ,,,പൊള്ളുന്നു ,,,,ഹോ ,,,”

കസ്തൂരി ചൂട് പിടിച്ചപ്പോ ചൂട് കൂടി പോയിരുന്നു

“അപ്പുവേട്ടന്‍റെ കിടപ്പ് കാണാൻ നല്ല ചേലുണ്ട് ,,, അപ്പുവേട്ടാ ,,,ഞാൻ ഭൂതക്കാരം ഒരെണ്ണം കൊണ്ട് തരട്ടെ , ഈ സമയത്തു കഴിക്കുന്നത് നല്ലതാ ,,,”

ആദി രണ്ടു പിള്ളേരെയും നന്നായി ഒന്ന് ദേഷ്യത്തോടെ നോക്കി

“ഈ കുട്ടിച്ചാത്തന്മാരോട് എന്നെ കളിയാക്കല്ലേ എന്ന് പറ ,,,ചേച്ചി ” ആദി സങ്കട൦ പറഞ്ഞു

“എടാ ,,പിള്ളേരെ ,,,,അനിയനെ കളിയാക്കല്ലേ ,,,”

“ഞങ്ങൾ അപ്പുവെട്ടനെ കളിയാക്കിയില്ലല്ലോ ,,,” അവർ ന്യായീകരിച്ചു

“ഇനി ഇവിടെ ഭൂതക്കാരം എന്ന് മിണ്ടിപോകരുത് ” ശൈലജ രണ്ടുപേരെയും

ശാസിച്ചു , എന്നിട്ടു ആദിയുടെ മുഖത്ത് നോക്കി ചിരിച്ചു

“ശൈലജെ ,,നീയും എന്നെ ,,,,,ഹം , എനിക്ക് ,,,മനസിലായി .,,നടക്കട്ടെ നടക്കട്ടെ ഒരബദ്ധം ഏത് പ്രധാനമന്ത്രിക്കും പറ്റും ”

 

അല്പം കഴിഞ്ഞു ചൂടൊക്കെ പിടിച്ച് കഴിഞതിന് ശേഷം  ആദി എഴുന്നേട്ടിരുന്നു

 

“നിങ്ങൾ അടിമവേല എന്നൊക്കെ പറയുമ്പോ സത്യത്തിൽ എനിക്കൊരു തമാശ ആയിരുന്നു , ഇപ്പോൾ അനുഭവിച്ചപ്പോൾ ആണ് ബുദ്ധിമുട്ടുകളൊക്കെ മനസിലാകുന്നത് ”

അതും പറഞ്ഞു കൊണ്ട് അവൻ പുറത്ത് പന്ത് തട്ടി കളിക്കുന്ന ഗൗരി മോളെ നോക്കിയിരുന്നു

അല്പം കഴിഞ്ഞപ്പോൾ ഓരോരുത്തരായി അവിടെ നിന്നും പുറപ്പെട്ടു

 

“ചേച്ചി ,,,”

“എന്താ അനിയാ ”

“എന്തെ ,,,പിന്നെ മറ്റൊരു വിവാഹം ചെയ്യാഞ്ഞെ ,,,?”

ഒരു നടുക്കത്തോടെ കസ്തൂരി അവനെ നോക്കി

“ഉള്ളിൽ അദ്ദേഹം നിറഞ്ഞിരിക്കുമ്പോ ആ സ്ഥാനത്ത് ആരെയാ ഞാൻ കൂട്ടേണ്ടത്  അനിയാ ,, ആ ഓർമ്മകൾ മാത്രം മതിയെനിക്ക് മുന്നോട്ടു ജീവിക്കാൻ ,,,,” നിറമിഴികളോടെ കസ്തൂരി പറഞ്ഞു

 

“ഇപ്പോളും അത്രയ്ക്ക് ഇഷ്ടമാണല്ലേ ,,,”

ഒരു മൂളൽ മാത്രമായിരുന്നു കസ്തൂരിയുടെ മറുപടി

 

“ശേ ,,ഞാനെന്തോ ചോദിച്ചു ,,,പോട്ടെ ചേച്ചി ,,,”

കസ്തൂരി ഒന്ന്   ചിരിക്കുക മാത്രം ചെയ്തു

 

കസ്തൂരി ഗൗരിമോളെയും കൊണ്ട് അവിടെ നിന്നും ഇറങ്ങി

ആദി , ഉള്ളിൽ പോയി തന്‍റെ മൊബൈൽ എടുത്തു കൊണ്ട് ഒരു ടീഷർട്ടും ധരിച്ചു പുറത്തേക്കിറങ്ങി

ശിവശൈലത്തേക്കിറങ്ങുന്ന കുന്നു കയറി നടന്നു

റേഞ്ച് കിട്ടിയത് കൊണ്ട് എല്ലാവരെയെയും ഫോണിൽ വിളിച്ചു

ഒടുവിൽ ഭാസുരനെ വിളിച്ചു

വണ്ടിഓടിക്കുകയായിരുന്ന ഭാസുരൻ വണ്ടിയൊതുക്കി ഫോൺ എടുത്തു

“അപ്പു അണ്ണാ പറയണ്ണാ ”

“ഭാസുരാ ,,എനിക്കൊരു സഹായം വേണം ,,”

“എന്ത് വേണമെന്ന് ഇങ്ങോട്ടു പറഞ്ഞാട്ടെ ”

“പഞ്ചായത്തിൽ ഒരു മെമ്പർ ഉണ്ട് , ശൗരി എന്നാണ് പേര് ,അയാൾക്ക്‌ സ്വന്തമായി മിൽ ഒക്കെയുണ്ട് ”

“പൊക്കട്ടെ അണ്ണാ ,,,,,,,,,” ഭാസുരൻ ചോദിച്ചു

“ഭാസുരാ ,,പൊക്കിയിട്ടു കാര്യമില്ല ,,കാരണം അവൻ എന്തേലും കന്ന൦തിരിവുകൾ കാണിച്ചിട്ടുണ്ടോ എന്നറിയണമല്ലോ ”

“അണ്ണാ ,,,അരുണേശ്വരം പഞ്ചായത്തല്ലേ …?”

“അതെ ,,,,”

കുറച്ചു നേരത്തേക്ക് ഭാസുരൻ നിശബ്ദനായി

“അണ്ണാ ,,,എനിക്കൊരു അഞ്ചു മിനിറ്റ് തരാമോ ,,,ഒരാളെ ഫോൺ ചെയ്യാനാണ് ,,”

“ശരി ,,,,,ഞാൻ വെയിറ്റ് ചെയ്യാം ” ആദി പറഞ്ഞു

ഭാസുരൻ ഫോൺ വെച്ചു

അല്പം കഴിഞ്ഞയാൾ തിരികെ വിളിച്ചു

“എന്താ ഭാസുരാ ,,?” ആദി ചോദിച്ചു

“അണ്ണാ ,,,ഈ ഓപ്പറേഷൻ എനിക്ക് വിട്ടേക്ക് ,,അണ്ണൻ സുഖായി അണ്ണന്‍റെ കാര്യങ്ങൾ നടത്തിക്കോ ,, എത്രയു൦ പെട്ടെന്നു ശൗരിയുടെ ചരിത്രവും ഭൂമിശാസ്ത്രവും നമുക്ക് ഒപ്പിക്കാം ,,”

അതുകേട്ടു സന്തോഷത്തോടെ ആദിയുടെ ചുണ്ടിൽ പുഞ്ചിരി തെളിഞ്ഞു

“അണ്ണൻ ,,ഹാപ്പി ആയിരുന്നോ ,,,നമുക്ക് ആൾ ഉണ്ട് ,,,അത് പോരെ ,,”

“ആരാ അത് ഭാസുരാ ,,,,,,,???,,,”

“ഈ അണ്ണൻ ,,,,അതൊക്കെ നമ്മൾ കാണുമ്പ പറയാം ,,,ഇപ്പോ ഞാൻ എന്നാ വെച്ചോട്ടെ ,,, ”

“ശരി ,,ശരി ,,,,എന്ന അങ്ങനെ ആയിക്കോട്ടെ ,,,,”

ആദി ഫോൺ വെച്ചു

Pages 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41