സുൽത്വാൻ 8 [ജിബ്രീൽ] 317

കോളേജു കഴിഞ്ഞ് ഷാനു ആരെയും കാത്തു നിൽക്കാതെ ജിത്തുവിനെ കാണാൻ പോയി.

റാഹി ഇന്നു വൈകുന്നേരം തന്നെ തന്റെ മനസ്സിലുള്ളത് അവനോട് പറയാൻ ഉറപ്പിച്ചിരുന്നു അതുകൊണ്ടാണവൾ വീട്ടിലേക്കു പോവാതെ ഇങ്ങോട്ടു വന്നത് പക്ഷേ ഷാനുവിനെ കണ്ടതും അവൾ സംഭരിച്ചിരുന്ന ധൈര്യം മുഴുവൻ ആവിയായി പോയിട്ടുണ്ട് അതിനിടയിൽ ജിത്തുവിന്റെ കളിയിക്കൽ അവൾ മനപ്പൂർവമവഗണിച്ചു

“ എന്തു പറ്റി റാഹി നിന്റെ നാവടിച്ചു പോയോ …..”അവളുടെ കയ്യിൽ നിന്നും മറുപടിയൊന്നുമില്ലാത്തത് ജിത്തുവിനെ അമ്പരപ്പിച്ചെങ്കിലും ജിത്തുവിനവളെ വിടാനുദ്ദേശമുണ്ടായിരുന്നില്ല

ജിത്തുവിനെയൊന്നു കലിപ്പിച്ചു നോക്കി റാഹി ഇഷ്ടം പറയാനുള്ള ധൈര്യം സംഭരിക്കാൻ തുടങ്ങി

“ഇനി രണ്ടും കൂടിയൊരു യുദ്ധം തുടങ്ങണ്ട” നി സാം പ്രശ്നത്തിലിടപെട്ടു

ഇവൾക്കിതെന്തു പറ്റിയെന്നു മനസ്സിലാവാതെ ജിത്തു അകത്തേക്കും കയറി

♦♦♦♦♦♦♦♦♦♦♦♦♦♦♦♦

മഹാദേവൻ തന്റെ ഓഫീസ് മുറിയിലെ കറങ്ങുനാ കസേരയിൽ ചിന്താനിമഗ്നനായി അവന്റെ മുമ്പിൽ സഹദേവനും ഇരിക്കുന്നുണ്ട്

“ ചേട്ടാ ….. ഗഫൂറ് തരാൻ പോകുന്ന പതിനഞ്ചു കോടി കൊണ്ട് നമുക്ക് ഒരു മാസമേ ഓടാൻ കഴിയൂ …. അതുകൊണ്ട് ഏറ്റടുത്ത ഓർഡറുകൾ തീർക്കാനും കഴിയില്ല … പിന്നെ ഗഫൂർ എങ്ങനെ അത്രയും പണം തരും” സഹദേവൻ തന്റെ ആശങ്ക പങ്കു വെച്ചു

മഹാദേവന്റെ അടുക്കൽ മറുപടിയൊന്നും ഉണ്ടായിരുന്നില്ല. ഗഫൂറിന് പതിനഞ്ചു കോടി കിട്ടാൻ പ്രയാസമായിരിക്കുമെന്നവനുമറിയാം പക്ഷേ അവന് വേറെ വഴികളൊന്നും ചിന്തിക്കാൻ സാധിക്കുന്നുണ്ടായിരുന്നില്ല

“ ചേട്ടാ……” മഹദേവൻ മറുപടിയൊന്നും പറയാത്തതു കൊണ്ട് സഹദേവൻ ഒന്നും കൂടി വിളിച്ചു

“ എനിക്കറിയാം സഹദേവാ…. പക്ഷേ ഇതല്ലാതെ വേറെ വല്ല വഴിയും നിന്റെ കയ്യിലുണ്ടോ …..” മഹാദേവൻ ഒരമർഷത്തിൽ ചോദിച്ചു

ഇപ്പോൾ മൗനമായി ഇരിക്കാനുള്ള ഊഴം സഹദേവന്റെയായിരുന്നു. അവിടെയുള്ള നിശ ബ്ദതക്കു വിരാമമിട്ട് മഹാദേവന്റെ സാറ്റലൈറ്റ് ഫോൺ ശബ്ദിച്ചു

ഫോണെടുത്തു അറ്റന്റു ചെയ്തവന്റെ മുഖം വലിഞ്ഞു മുറുകുന്നുണ്ടായിരുന്നുണ്ടായിരുന്നു

അതിന്റെയവസാനം അവനാ ഫോൺ ദേശ്യത്തിൽ വലിച്ചെറിഞ്ഞു

“ എന്താ …. എന്തു പറ്റി …. ” തന്റെ ചേട്ടന്റെ പ്രവർത്തി കണ്ട് ഞെട്ടിപോയ സഹദേവൻ അൽപമാശങ്കയോടെ ചോദിച്ചു.

“ നമുക്കറിയാവുന്ന ഒരു ടീമും കപ്പലിന്റെ കൊട്ടേഷനെടുത്തിട്ടില്ല .പിന്നെ ആരാണത് ചെയ്തത് ……… ” മഹാദേവൻ ദേശ്യത്തിൽ തന്റെ നെറ്റി ഉഴിഞ്ഞു കൊണ്ടിരുന്നു. അവനുത്തരങ്ങൾ വേണമായിരുന്നു പക്ഷേ എത്ര അന്വേഷിച്ചിട്ടും അത് കിട്ടാത്തതിന്റെ സങ്കർശമാണവന്റെ മനസ്സിൽ.

സഹദേവൻ ഒരു വേദനയോടെ തന്റെ ചേട്ടന്റെ അവസ്ഥ നോക്കി നിന്നു .